Teresa Rivero
| Biografía | |
|---|---|
| Nacemento | (es) Teresa Rivero Sánchez-Romate  19 de maio de 1935 (88 anos)Xerez da Fronteira, España |
| Presidente Rayo Vallecano de Madrid | |
| 1994 – 2011 ← José María Ruiz-Mateos – Raúl Martín Presa → | |
| Datos persoais | |
| País de nacionalidade | España |
| Actividade | |
| Ocupación | empresaria , dirixente deportiva |
| Membro de | |
| Lingua | Lingua castelá |
| Familia | |
| Cónxuxe | José María Ruiz-Mateos (1958–2015) |
Teresa Rivero Sánchez-Romate, nada en Xerez da Fronteira en 1935, é unha empresaria española e expresidenta do Rayo Vallecano, sendo a primeira muller que chegou á presidencia dun club de fútbol da Primeira División.[1]
Biografía[editar | editar a fonte]
Filla dunha familia acomodada de Xerez da Fronteira, o seu pai Salvador Rivero Pastor era avogado e a súa nai Mª Pepa Sánchez-Romate Pemartín, de clase alta moi vinculada ao cultivo do viño con adegas como Rivero, Sánchez-Romate e Pemartín. Viviu xunto aos seus 6 irmáns na famosa praza da rúa San Marcos en Jerez. Vinculada ao Opus Dei, aos 21 anos coñeceu ao empresario José María Ruiz-Mateos, co que casou dous anos máis tarde.[1] Con el trasladouse a Madrid en 1967.
É marquesa viúva de Olivara (título da Serenísima República de San Marino), polo seu matrimonio con José María. Foi recibida como dama divisera hijadalgo do Ilustre Solar de Tejada.[2]
Teresa era gran afeccionada a tocar a guitarra, pero sempre tiña que deixalo a causa os seus numerosos embarazos. É nai de trece fillos (unha falecida) e dedicouse moitos anos a ser ama de casa.
En 2004 creou xunto ao seu marido unha fundación co fin de mellorar as condicións de vida, socioculturais e educativas dos xerezanos, especialmente dos sectores máis desfavorecidos.
Presidenta do Rayo Vallecano[editar | editar a fonte]
Con 59 anos a súa vida cambiou radicalmente cando o seu marido, máximo accionista do Rayo Vallecano, nombrouna presidenta do club madrileño o 12 de xaneiro de 1994. Deste xeito, Teresa Rivero convertíase na primeira muller en presidir un club da Primeira División, malia recoñecer publicamente non tener ningún coñecemento sobre o mundo do fútbol.[3]
Baixo o seu mandato o club viviu os mellores anos deportivos da súa historia, coa súa mellor tempada en Primeira (a 1999/00, na que foi catro xornadas líder da categoría), a súa mellor actuación na Copa do Rei (a 2000/01) e, sobre todo, chegando a participar na Copa da UEFA, onde acadou os cuartos de final.
Así mesmo, tamén baixo o seu mandato, a sección feminina do club situouse entre os mellores clubs de España, co ascenso á Superliga e a consecución da Copa da Raíña en 2008, o primeiro título oficial na historia do Rayo Vallecano.
Mostra do seu carisma, en 2004 os abonados do Rayo aprobaron en referendo que o Estadio de Vallecas tomase o seu nome.[3]
Xa en febreiro de 2011, as 10 empresas máis importantes de Nueva Rumasa, entre elas o club que presidía, entraron en concurso de acredores. Debido á presión e ao abandono da afección vallecana, en maio os Ruiz-Mateos traspasaron as accións do club ao empresario Raúl Martín Presa.
Condena por fraude fiscal[editar | editar a fonte]
En 2018 foi condenada a sete anos de prisión por fraude fiscal.[4]
Notas[editar | editar a fonte]
- ↑ 1,0 1,1 Ignacio Amestoy (27 de agosto de 2008). El Mundo, ed. "Teresa Rivero, el rayo que no cesa". Consultado o 5 de abril de 2009.
- ↑ Índice de Diviseros
- ↑ 3,0 3,1 Héctor M. Garrido (2 de novembro de 2008). El País, ed. "¿Quién mueve al nuevo Rayo?". Consultado o 5 de abril de 2009.
- ↑ Jerez, Diario de. "Teresa Rivero, condenada a 7 años de prisión por fraude fiscal". Diario de Jerez. Consultado o 25 de setembro de 2018.