Teresa Helena Higginson
  | |
| Biografía | |
|---|---|
| Nacemento | 27 de maio de 1844 Treffynnon |
| Morte | 15 de febreiro de 1905 (60 anos) Chudleigh (pt)  |
| Datos persoais | |
| País de nacionalidade | Gales Reino Unido de Gran Bretaña e Irlanda |
| Actividade | |
| Campo de traballo | Catolicismo, pedagoxía e Misticismo |
| Ocupación | mestra , mística |
| Lingua | Lingua inglesa |
| Enaltecemento | |
Teresa Helena Higginson, nada en Holywell o 27 de maio de 1844 e finada en Chudleigh o 15 de febreiro de 1905, foi unha mística galesa da igrexa católica.
Traxectoria[editar | editar a fonte]
Higginson naceu en Holywell (Gales) en 1844, onde os seus pais estaban de peregrinación no santuario de Santa Winefrida.[1] O pai, Robert Francis Higginson, era católico e a nai era conversa. Higginson foi a unha escola católica en Nottingham e exerceu de mestra en Bootle (Inglaterra).[2]
Durante a súa vida Higginson tivo estigmas, feridas nas mans e nos pés similares ás causadas pola crucifixión en Xesucristo. Amais, durante as súas oracións entraba en transos que duraban varios días e "recreaba de xeito violento" as escenas do Viacrucis.[1][3]
Higginson morreu en Chudleigh e foi declarada Serva de Deus.[4]
Legado[editar | editar a fonte]
En 1928 Higginson foi proposta como posíbel candidata para a canonización. Moitas das cartas que escribiu Higginson atópanse nos arquivos de Augustine's Abbey, na vila de Ramsgate. A Catedral Metropolitana de Cristo Rei de Liverpool garda duplicados das mesmas.[5]
Notas[editar | editar a fonte]
- ↑ 1,0 1,1 Kerr, Lady Cecil (1 de xuño de 2008). Teresa Helena Higginson Servant of God The Spouse of the Crucified (en inglés). Gracewing Publishing. ISBN 9780852441817.
- ↑ Heimann, Mary (1995). Catholic Devotion in Victorian England (en inglés). Oxford University Press. p. 150. ISBN 9780198205975.
- ↑ Heimann, Mary (1995). Catholic Devotion in Victorian England (en inglés). Clarendon Press. p. 43. ISBN 9780198205975.
- ↑ "Home". teresahigginson.com (en inglés). Consultado o 11 de decembro de 2022.
- ↑ "Archives". Liverpool Metropolitan (en inglés). Consultado o 11 de decembro de 2022.
