Templo mormón de Caracas

Na Galipedia, a Wikipedia en galego.
Templo mormón de Caracas
PaísVenezuela
Coordenadas10°28′15″N 66°50′14″O / 10.470849, -66.837293Coordenadas: 10°28′15″N 66°50′14″O / 10.470849, -66.837293
EstiloArquitectura moderna
Páxina webhttps://www.churchofjesuschrist.org/temples/details/caracas-venezuela-temple?lang=eng
[ editar datos en Wikidata ]

O Templo de Caracas é un dos templos construídos e operados pola Igrexa de Xesús Cristo dos Santos dos Últimos Días, o número 96 construído pola igrexa e o primeiro de Venezuela, situado na cidade de Caracas.

Construción[editar | editar a fonte]

Na conferencia xeral da igrexa SUD de 1995, o entón presidente da igrexa, Gordon B. Hinckley anunciou os plans de construír un templo en Venezuela. Seguido o anuncio público, a igrexa nese país buscou un terreo adecuado, considerando varios puntos por preto de 18 meses. Finalmente decidiuse construír o templo relixioso nun terreo que a igrexa xa posuía na cidade de Caracas e a cerimonia da primeira palada ocorreu en 1999. A construción do templo de Caracas durou pouco máis de ano e medio, malia certos contratempos, incluíndo o descubrimento dun manancial durante a escavación e dúas desprendemento de terra.

Dedicación[editar | editar a fonte]

O templo SUD da cidade de Caracas foi dedicado para as súas actividades eclesiásticas en catro sesións, o 20 de agosto de 2000, por Gordon B. Hinckley. Anterior a iso, o 5, 7-12 de agosto dese mesmo ano, a igrexa permitiu un percorrido público das instalacións e do interior do templo ao que asistiron máis de 27.000 visitantes.[1] Uns 6.000 membros da igrexa e invitados asistiron á cerimonia de dedicación, que inclúe unha oración dedicatoria.

Características[editar | editar a fonte]

Os templos da Igrexa de Xesús Cristo dos Santos dos Últimos Días son construídos co fin de prover ordenanzas e cerimonias consideradas sagradas para os seus membros e necesarias para a salvación individual e a exaltación familiar.[2] O templo de Caracas ten un total de 1.425 metros cadrado de construción, conta con dous salóns para ditas ordenanzas SUD e dous salóns de selamientos matrimoniais. O templo de Caracas é usado por máis de 72.000 membros repartidos en 16 estacas afiliadas á igrexa en Venezuela. A primeira estaca foi organizada en Venezuela no ano 1977, o membro con máis antigüidade na igrexa venezolana, nese ano, tiña 7 anos de haberse bautizado nela.[3] Ao templo, pola súa proximidade ás comunidades, tamén asisten membros provenientes de Aruba, Suriname, Güiana, Trinidad e Tobago, as Antillas Neerlandesas e certas rexións do norte do Brasil.[4] Desde o ano 2007, por primeira vez desde a súa dedicación en 2000, un venezolano preside o templo de Caracas. Venezuela non recibe misioneiros estadounidenses desde finais de 2005.[5]

Véxase tamén[editar | editar a fonte]

Notas[editar | editar a fonte]

  1. ↑ News of the Church: &hideNav=1 ‘A Milestone in Church History’: 100 Temples, (en inglés). Ensign, Nov. 2000, 108–10. Último acceso 23 de marzo, 2008.
  2. ↑ Principios do Evanxeo (2000). [1] (en español), pág. 256. Último acceso 23 de marzo, 2008.
  3. ↑ N. Eldon Tanner, &hideNav=1 The Administration of the Church, (en inglés). Ensign, Nov 1979, 42. Último acceso 23 de marzo, 2008.
  4. ↑ La Iglesia de Jesucristo de los Santos de los Últimos Días. "Templo de Caracas, Venezuela". Distrito del Templo (en español). Consultado o 23 de marzo, 2008. 
  5. ↑ U.S. missionaries leave Venezuela (en inglés). LDS Church News, Edition: All, página Z02: «Difficulties concerning visas for missionaries have led the Church to remove its U.S. missionaries from Venezuela, said Dale Bills, Church spokesman. The problem involves renewing visas and obtaining new visas for missionaries serving in that country, he added. Consequently, the Church "has decided to reassign U.S. missionaries serving in Venezuela to other Spanish-speaking missions in Latin America, the U.S. and Canada where such missionaries are needed. Parents have been advised accordingly," he added.» Último acceso 31 de marzo, 2008.

Véxase tamén[editar | editar a fonte]

Ligazóns externas[editar | editar a fonte]

Traído desde «https://gl.wikipedia.org/w/index.php?title=Templo_mormón_de_Caracas&oldid=6419382»