Televisión Ferrol Canal 31 é unha canle local de televisión de Ferrol, propiedade de Radio Televisión Ferrol S.L, que comezou a emitir en 1988.
A emisora quedou fóra das concesións de licenzas para a TDT local de 2006 pero en 2009 unha sentenza do Tribunal Superior de Xustiza de Galicia anulou as concesións na demarcación de Ferrol outorgándolle unha das autorizacións á emisora[1] polo que puido comezar a emitir en dixital en febreiro de 2010 nesa demarcación que inclúe os concellos de Narón, Fene, Valdoviño, Neda, Mugardos, Ares e San Sadurniño alén da propia cidade de Ferrol.
