Tangata Vavia

Na Galipedia, a Wikipedia en galego.

Tangata Mouauri Vavia, nado o 8 de setembro de 1949 en Mitiaro, é un político das Illas Cook.

Traxectoria[editar | editar a fonte]

Vavia traballou como clasficador postal e como axente de policía antes de ser elixido polo Partido Demócrata para o Parlamento pola circunscrición de Mitiaro nas eleccións xerais de 1994. Foi elixido vicepresidente do Parlamento en 1999 e asemade entrou no gabinete de Terepai Maoate como ministro de Xustiza e Illas Exteriores, saíu do ministerio ao substituír Robert Woonton a Maoate, aínda que volveu entrar en xaneiro de 2003 ao caer o goberno de coalición co Partido das Illas Cook.[1] aínda que se formou un novo goberno de coalición en novembro dese ano perdendo de novo as súas carteiras e pasando á oposición.[2]

En 2005 entrou no goberno de Jim Marurai como ministro das Illas Exteriores.[3][4] Nas eleccións de 2006 resultou reelixido para o parlamento e pasou a ser ministro de Infraestruturas, Planificación e Transporte.[5]

En decembro de 2009 deixou os seus ministeriais como protesta pola retirada do gabinete do líder demócrata Terepai Maoate.[6][7] Nas eleccións xerais de 2010 resultou reelixido de novo para o Parlamento.

Notas[editar | editar a fonte]

Ligazóns externas[editar | editar a fonte]