Supercell (empresa)

Supercell
Tipo	negocio, desenvolvedora de videoxogos e distribuidora de videoxogos
Data de fundación	14 de maio de 2010
Director/a	Ilkka Paananen
Nº de empregados	300 (2019)
Organización matriz	Tencent e SoftBank
Sede	Helsinqui e Ruoholahti
País	Finlandia
Na rede
	https://supercell.com/en/
	[ editar datos en Wikidata ]

Supercell é unha empresa finlandesa de desenvolvemento de xogos para móbiles a cal conta con sedes en Helsinqui, Tokio, San Francisco, Seúl e Shanghai. A compañía foi fundada en maio de 2010 en Helsinqui, Finlandia. Ilkka Paananen é CEO da compañía e actualmente conta cun número aproximado de 320 empregados. O xogo de debut da compañía foi Gunshine.net o cal actualmente está cerrado desde 2012, ao tratar de ingresar á páxina aparecerá unha mensaxe do peche e agradecementos. En 2011, comezou a desenvolver xogos para dispositivos móbiles e desde entón lanzou 5 xogos: Hay Day (2012), Clash of Clans (2012), Boom Beach (2014), Clash Royale (2016) e Brawl Stars (2018). En 2016 rexistrou ingresos estimados nuns 2.5 millóns de dólares ao día^[1].

Historia[editar | editar a fonte]

A compañía fundouse en 2010 con capital achegado polos propietarios e préstamos do goberno finlandés. Ao principio planeaba desenvolver xogos para múltiples plataformas web, pero en 2011, tras publicar Gunshine, abandonou a estratexia inicial e concentrouse en xogos para tabletas e dispositivos móbiles. Tras crear varios xogos que non pasaron da fase beta, Supercell publicou en 2012 Hay Day e Clash of Clans, que chegou a ser o xogo con maiores ingresos nos Estados Unidos aos tres meses do seu lanzamento.

En outubro de 2013 anunciouse que a compañía xaponesa GungHo Online Entertainment e a súa matriz SoftBank adquiriran o 51 % da compañía, que chegou ao 75% pouco despois^[2]. O 3 de xaneiro de 2016 publicou Clash Royale, que conseguiu grande éxito, e o 21 de xuño dese ano, a compañía foi adquirida por Tencent por 8.600 millóns de dólares^[3].

O 14 de xuño de 2017 anunciouse Brawl Stars e ao día seguinte, 15 de xuño, saíu na App Store, en exclusiva para iOS. Máis dun ano despois, o 26 de xuño de 2018, o xogo saíu tamén en Android, coun soft launch para o Canadá. Desta forma, o lanzamento global do xogo —para todos os territorios tanto en Android como en iOS— tivo lugar o 12 de decembro de 2018.