Subida á Falperra

Subida á Falperra

Tipo	serie de competición de automobilismo
Deporte	carreira de montaña
Localización  e  Datas
País	Portugal
Vixencia	1927 –

A Subida á Falperra, (en portugués: Rampa da Falperra) é unha proba automobilística de montaña, organizada polo Clube Automóvel do Minho (CAM) e que se disputa dende 1927 en Braga, Portugal.

O trazado ten unha lonxitude de 5,2 quilómetros e un desnivel de 262 metros, dende o inicio no quilómetro 39 da EN309 ata o final na base do santuario de Sameiro. O nome da subida vén da zona circundante (Falperra). A carreira forma parte do calendario do Campionato Europeo de Montaña da FIA e tamén puntúa para o Campionato Nacional de Montaña de Portugal e para o de España. É a carreira de montaña máis popular de Portugal, cunha media duns 200 mil espectadores durante a fin de semana da carreira, incluídos moitos españois, entre outras nacionalidades. A edición dispútana hoxe en día varios tipos de vehículos, competindo aproximadamente uns 180 pilotos en cada edición.

Historia

A proba disputouse de xeito interrompido entre 1927 e 1960 (5 edicións). En 1976, a carreira comezou a ser organizada polo Clube Automóvel do Minho, xa cos 5.200 m de percorrido que ten na actualidade.

Entre 2002 e 2009 a proba non se celebrou debido á falta de entendemento das autoridades locais para realizar as melloras de seguridade requiridas, pero volveu de novo en 2010 grazas aos esforzos do Clube Automóvel do Minho e das autoridades locais. A carreira forma parte do Campionato Europeo de Montaña da FIA, así como do Campionato de Portugal de Montaña.

A carreira de 2013 non se ía celebrar, pero grazas aos afeccionados que promoveron peticións e manifestacións, o concello de Braga realizou as novas melloras necesarias para que a carreira se celebrase de novo ese ano.

O récord actual estableceuno en 2019 o italiano Christian Merli ao volante dun Osella FA 30 cun tempo de 1:46.944 superando o récord anterior (obtido por si mesmo) por tan só 0.946.

Palmarés

Debido aos parénteses despois das dúas primeiras edicións, a edición de 1950 recibiu o nome de 1ª edición, seguindo numeración a partir desta. En 1976 o CAM inscribiu a candidatura da proba para o calendario internacional da FIA, recibindo a aprobación en 1978. Desde esa data, todas as edicións formaron parte dos campionatos da FIA, a excepción da primeira carreira de 1984 (ese ano houbo dúas probas, a primeira en maio contando para o Campionato Nacional e a segunda para o Campionato de Europa).

Época anterior ao Clube Automóvel do Minho
Edición	Ano	Piloto	Vehículo	Organizador
1ª Subida	1927	Alfredo Marinho Júnior		Comissão Braga
2ª Subida	1931	Alfredo Marinho Júnior		Automóvel Club de Portugal
1ª Subida	1950	José Cabral	Allard	Automóvel Club de Portugal
2ª Subida	1951	Conde de Monta Real	Ford	Automóvel Club de Portugal
3ª Subida	1960	José Lampreia	Triumph	Estrela e Vigorosa Sport
Organización do Cube Automóvel do Minho
Edição	Ano	Piloto	Carro	Tempo
4ª Subida	1976	Clemente Ribeiro	Opel	2.34.25
5ª Subida	1977	Mário Silva	Ford	2.31.74
6ª Subida	1978	António Barros	Opel	2.32.89
7ª Subida	1979	Camba	SEAT	2.21.55
8ª Subida	1980	António Barros	Porsche	2.18.81
9ª Subida	1981	Joaquim Moutinho	Porsche	2.17.68
10ª Subida	1982	Camba	SEAT	2.21.68
11ª Subida	1983	Camba	SEAT	2.17.66
12ª Subida	1984	Mário Silva	BMW M1	2.16.16
13ª Subida	1984	António Rodrigues	Lancia 037	2.16.73
14ª Subida	1985	Mauro Nesti	Osella BMW	4.10.719
15ª Subida	1986	Mauro Nesti	Osella BMW	4.10.804
16ª Subida	1987	Mauro Nesti	Osella C	4.09.277
17ª Subida	1988	Mauro Nesti	Osella C	4.07.422
18ª Subida	1989	Andrés Vilariño	Lola T298	4.07.323
19ª Subida	1990	Andrés Vilariño	Lola T298 Repsol	4.34.947
20ª Subida	1991	Andrés Vilariño	Lola T298 BMW	4.02.336
21ª Subida	1992	Andrés Vilariño	Lola T298 BMW	4.01.205
22ª Subida	1993	Rudgier Faustman	Faust BMW	4.00.014
23ª Subida	1994	Francisco Egozkue	Osella PA 9	4.30.694
24ª Subida	1995	Rudgier Faustman	Faust BMW	3.56.024
25ª Subida	1996	Fábio Danti	Osella BMW	4.57.543
26ª Subida	1997	Rudgier Faustman	Remus Faust Opel	4.21.312
27ª Subida	1998	Irlando Pasquale	Osella PA 20	4.01.104
28ª Subida	1999	Franz Tschager	Lucchini BMW	4.40.585
29ª Subida	2000	Franz Tschager	Osella BMW	3.55.300
30ª Subida	2001	Franz Tschager	Osella BMW	4.07.600
2002–-2009: Proba non celebrada
31ª Subida	2010	Andrés Vilariño	Norma M20	2.05.906
32ª Subida	2011	Fausto Bormolini	Reynard K02	1.57.754
33ª Subida	2012	Simone Faggioli	Osella FA 30	1.56.900
34ª Subida	2013	Simone Faggioli	Osella FA 30	1.51.365
35ª Subida	2014	Simone Faggioli	Norma M20 FC	1.50.386
36ª Subida	2015	Simone Faggioli	Norma M20 FC	1.49.364
37ª Subida	2016	Pedro Salvador	Norma M20 FC	4.38.153
38ª Subida	2017	Simone Faggioli	Norma M20 FC	1:48.686
39ª Subida	2018	Simone Faggioli	Norma M20 FC	3.38.219
40ª Subida	2019	Christian Merli	Osella FA 30 Zytek	3:35.013
Masters	2021	Christian Merli	Osella FA 30 Zytek	1:02.033
41ª Subida	2022	Christian Merli	Osella FA 30 Zytek	3:34.505
42ª Subida	2023	Christian Merli	Osella FA 30 Judd LRM	3:37.848
43ª Subida	2024	Christian Merli	Osella FA 30 Judd LRM	3:39.866

     Proba Internacional

• ^1 — Suma do tempo das 2 mellores subidas.
• ^2 — Na edición de 2016 os principais pilotos do Campionato Europeo (prototipos) decidiron desistir debido á chuvia.
• ^3 — Edición FIA Hill Climb Masters, trazado só con 2970 m.

Véxase tamén

Ligazóns externas

• Clube Automóvel do Minho (en portugués).
• Non ao final da Rampa da Falperra (en portugués).