Stephen Harper
Stephen Joseph Harper, nado en Toronto o 30 de abril de 1959, é un político canadense, o 22.º primeiro ministro do Canadá, desde 2006. e o líder do Partido Conservador.
Traxectoria
[editar | editar a fonte]Harper foi un dos membros fundadores do Partido Reformista do Canadá en 1987. Parlamentario polo distrito electoral de Calgary Oeste de 1993 a 1997. Deixou a súa acta para ingresar no grupo de presión conservador Coalición Nacional de Cidadáns que dirixiu de 1998 a 2002.[1] Cesou no posto para suceder a Stockwell Day como o dirixente da Alianza Canadense (herdeiro do Partido Reformista) e regresou en 2002 ao parlamento por Calgary Suroeste como Líder da Oposición. En 2003, logrou un acordo co dirixente do Partido Conservador Progresista do Canadá, Peter MacKay, para a fusión dos seus dous partidos para formar o Partido Conservador do Canadá, que o elixiu como o seu líder en marzo de 2004.
Tras as eleccións de 2006 Harper converteuse en primeiro ministro dun goberno en minoría, posto que mantivo despois das eleccións de 2008 no que o seu partido logrou unha pequena mellora na porcentaxe do voto popular, aumentando a representación Cámara dos Comúns do Canadá, con 143 de 308 asentos. En marzo de 2011 disolveuse o parlamento por unha moción de censura.[2]
Nas eleccións Harper logrou formar un goberno en maioría, ao facerse o seu partido con 166 escanos e a maioría absoluta da cámara baixa.[3]
Notas
[editar | editar a fonte]- ↑ National Citizens Coalition (NCC) "Harper's presidency was a critical period", 11 de maio de 2007 Arquivado 03 de marzo de 2016 en Wayback Machine..
- ↑ Bruce Cheadle (25 de marzo de 2011). The Canadian Press; CTV news, ed. "Harper government topples on contempt motion, triggering May election". Arquivado dende o orixinal o 16 de decembro de 2019. Consultado o 12 de setembro de 2015.
- ↑ Ray Argyle, Turning Points: The Campaigns That Changed Canada – 2011 and Before (2011)
