Soutogaioso, A Veiga de Valcarce
As referencias deste artigo non teñen un formato correcto. Podes colaborar editándoas como se indica nesta páxina. Pode axudar a mellorar este artigo e outros en condicións semellantes. |
Localización | ||||
---|---|---|---|---|
| ||||
Estado | España | |||
Comunidade autónoma | Castela e León | |||
Provincia | provincia de León | |||
Municipio | A Veiga de Valcarce | |||
Identificador descritivo | ||||
Código postal | 24524 | |||
Soutogaioso[1][2] (Sotogayoso en castelán e oficialmente) é unha localidade pertencente ao concello da Veiga de Valcarce na bisbarra leonesa do Bierzo. Encóntrase situada ao sueste da capital do concello a unha altura duns 875 metros. A súa poboación, en 2013, é de doce habitantes.[3]
Topónimo[editar | editar a fonte]
Hai dúas teorías acerca da orixe do topónimo Soutogaioso. Unha delas afirma que provén dun presunto Santo Gaioso mentres que a outra di que deriva do latín Saltum Gaudiosum.[4][5]
Historia[editar | editar a fonte]
A comezos do século XV, a localidade pertencía ao Mosteiro de San Xulián de Samos. En 1431 foi cedida en foro a Pedro Álvarez Osorio, quen anos máis tarde sería conde de Lemos.[6]
En 1834, cando por primeira vez en España se dividiu o territorio nacional en partidos xudiciais, Soutogaioso quedou adscrito ao partido xudicial de Vilafranca do Bierzo.[7] En 1966 suprimiuse o partido xudicial de Vilafranca do Bierzo quedando Soutogaioso adscrito ao partido xudicial de Ponferrada.
En 1858 contaba coa categoría de lugar e 114 habitantes.[8][9].
Comunicacións[editar | editar a fonte]
A estrada LE-5125 comunica Soutogaioso coa Portela de Valcarce. Esta vía salva un gran desnivel nunha curta distancia, polo que conta con pronunciadas pendentes.
Outros lugares de interese[editar | editar a fonte]
O vértice xeodésico de Cruz de Souto atópase nun monte homónimo moi preto da zona antiga de Soutogaioso.
Notas[editar | editar a fonte]
- ↑ Gómez Bautista, Alberto (2004). Toponima do Baixo Bierzo e Os Ancares Orientais. Ponferrada: Fala Ceibe.
- ↑ García García, Jesús (1986). Tierras de León: Revista de la Diputación Provincial, Vol. 26, nº 62.
- ↑ INE (2013). "Nomenclátor do INE". Consultado o 18 de agosto de 2014.
- ↑ Oliver Asín, J. (1938). "Iniciación al estudio de la historia de la lengua española". Heraldo de Aragón. p. 122.
- ↑ Actas do I congreso internacional de Historia da lingua española, 1988, Arco Libros, p. 1673, Madrid
- ↑ Franco Silva, Alfonso (1982). "El Señorío de Villafranca de El Bierzo (Siglos XIV y XV)". Boletín de la Real Academia de la Historia, Tomo CLXXIX, Caderno I, p.35-160
- ↑ Subdivisión en partidos xudiciais da nova división territorial da península e illas adxacentes aprobada por S. M: no Real Decreto do 21 de abril de 1834, Imprenta real, p.123, Madrid
- ↑ Nomenclátor dos pobos de España formado pola comisión estatística xeral do reino, 1858, Imprenta nacional, p. 435, Madrid
- ↑ Arias López M.La Comarca como entidad natural, histórica y administrativa, 2014, Dykinson, p.494, Madrid