Cercos de Zaragoza

Cercos de Zaragoza
Guerra da Independencia Española
Instancia de campaña militar  Parte de Guerra da Independencia Española  Composto por primeiro cerco de Zaragoza segundo cerco de Zaragoza
Datas  Data de comezo 15 de xuño de 1808  Data de remate 20 de febreiro de 1809
Implicados  Participantes Reino de España Primeiro Imperio Francés
Localización  Localización Zaragoza  País Reino de España  Coordenadas 41°38′41″N 0°52′39″O
Wikidata C:Commons

Os cercos de Zaragoza foron dous asedios sufridos pola cidade aragonesa de Zaragoza durante a guerra da Independencia, que enfrontou aos exércitos de ocupación do Primeiro Imperio Francés de Napoleón Bonaparte e a forzas españolas leais á dinastía Borbón.

A praza era clave para garantir as comunicacións do nordés e o abastecemento das tropas en Cataluña, así como para controlar Aragón. Por iso, tras a sublevación da cidade a consecuencia dos sucesos do 2 de maio de 1808, enviouse a un exército para restablecer o control da cidade. Aínda que as tropas francesas eran superiores en número e armamento, a cidade resistiu.

Asalto das tropas francesas ao mosteiro de Santa Engracia o 8 de febreiro de 1809 pintado por Lejeune.

Con todo, a finais de ano, os franceses regresaron en maior número, renovándose o cerco. A pesar da feroz resistencia da cidade, inmortalizada por varios cronistas, a cidade, decimada pola guerra e as epidemias derivadas do cerco, capituló finalmente o 21 de febreiro de 1809.

Os cercos de Zaragoza foron un dos acontecementos máis representativos da guerra de Independencia, legando un gran número de heroes e lendas á tradición popular, e sendo fonte de inspiración para varios escritores.