Shantou é unha cidade da China, no extremo sueste do país e da provincia de Guandong á que pertence. Situada nun enclave portuario privilexiado, ao abrigo da baía do seu nome, que é a vez fouce do delta do río Han, que vén do norte, e amplo esteiro do Rong, que flúe dende o oeste, desembocando ambos no Mar do Sur da China.
Esta situación predestinou a pequena vila de pescadores a ser a partir de 1858 o segundo porto na rexión tralo da capital provincial, Cantón, cando a China tivo que abrirse comercialmente a occidente. En 1922 un tifón taponouno, mais en 1979 foi elixida coma unha das Zonas Económicas Especiais, o que significou a súa recuperación como importante porto e obxectivo de investimentos estranxeiros. Todo isto fixo incrementar enormemente a súa poboación (1.167.430 habitantes, no censo de 2000) e que se convertese en centro dunha grande área metropolitana (4.320.000 habitantes en 2001).
