Serrallo
 | Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde xaneiro de 2016.) |
Nunha mansión musulmá turca, un serrallo é unha estancia onde se confinaban as esposas e as concubinas. Nos pazos musulmáns correspóndese co harén.
O termo vén dunha variación en italiano do nome persa saray, que significa «pazo» ou «patio pechado». O pazo de Topkapı (en turco: Topkapı Sarayı) é o principal pazo de Istambul, que foi morada do sultán e que hoxe se converteu nun museo.
Outre accepciónn en Turquía refire aos pazos tradicionais e ás grandes mansións construídas no centro de patios amurallados.
En Irán, o termo serrallo designa un patio construído no seo dun bazar, destinado aos comercios e aos obradoiros.
Sobre todo no século XVIII foi un termo que despertara exóticas e luxuriosas fantasías dos europeos respecto á cultura do Imperio Otomán, tal e como fixera Mozart na súa ópera O rapto no Serrallo. Os grandes serrallos de Istambul están considerados como obras mestras da arquitectura otomá (por exemplo o antes referido Topkapi).
