Sergei Rumas

Na Galipedia, a Wikipedia en galego.
Saltar ata a navegación Saltar á procura
Sergei Rumas
Syarhey Rumas (2013-10-24).jpg
Nacemento1 de decembro de 1969
 Homieĺ
NacionalidadeBelarús
Alma mátersen etiquetar e Academia de Direção adjunta ao Presidente da República da Bielorússia
Ocupacióneconomista
PremiosOrden da Amistade
editar datos en Wikidata ]

Sergei Mikalayevich Rumas (en belaruso: Сяргей Мікалаевіч Румас, en ruso: Сергей Николаевич Румас, nado en Homieĺ o 1 de decembro de 1969 é un político e economista belaruso, Primeiro Ministro de Belarús dende o 18 de agosto de 2018.[1]

Traxectoria[editar | editar a fonte]

Rumas naceu en Gomel, pero a comezos da década de 1970 a súa familia mudouse a Minsk. Graduouse da Escola Financeira Superior Militar en Yaroslavl (1990) e da Academia de Administración Pública en Minsk (1995).[2][3] A principios da década de 1990, Rumas serviu sucesivamente no Banco Nacional da República de Belarús como xefe de varios departamentos, así como en bancos privados. En 1995, converteuse en director rexional do Belarusbank e logo converteuse no primeiro vicepresidente do directorio deste banco.[3] En 2001, Rumas recibiu o título de Candidato de Ciencias en Economía.[4] En 2005 liderou o Belagroprombank, outro gran banco de propiedade estatal en Belarús.[5]

Carreira política[editar | editar a fonte]

En 2010, foi nomeado viceprimeiro ministro no novo goberno de Mikhail Myasnikovich. Durante a crise financeira de 2011, Rumas supervisou a creación dun programa de reformas estruturais, que foi criticado polo presidente Alexander Lukashenko e o seu conselleiro Sergey Tkachyov. Rumas avogou pola privatización, os investimentos estranxeiros e a abolición de préstamos preferentes para empresas estatais.[5][6][7] En 2012, Alexander Lukashenko nomeouno xefe do Banco de Desenvolvemento da República de Belarús.[3]

O 18 de agosto de 2018 foi nomeado Primeiro Ministro de Belarús, sucedendo a Andréi Kobiakov. Na actualidade, Rumas tamén encabeza a Federación de Fútbol de Belarús.[3]

Notas[editar | editar a fonte]