Santos Sancristóbal Sebastián
| Biografía | |
|---|---|
| Nacemento | 13 de outubro de 1928  Segovia, España |
| Morte | 19 de xullo de 2020 (91 anos) Mondoñedo, España |
| Relixión | Igrexa católica |
| Actividade | |
| Ocupación | pintor, escritor |
| Familia | |
| Irmáns | Antonio San Cristóbal |
 | |
Santos San Cristóbal Sebastián, nado en Segovia o 13 de outubro de 1928 e finado en Mondoñedo o 9 de xullo de 2020[1], foi un escritor, pintor, historiador e profesor español.
Traxectoria
[editar | editar a fonte]Foi cóengo da catedral de Mondoñedo e fundador do museo que leva o seu nome (Museo Catedralicio e Diocesano Santos San Cristóbal) en Mondoñedo, dedicado á arte sacra, o máis importante de Galicia e un dos máis importantes de España. Foi membro da Real Academia de Historia y Arte de San Quirce de Segovia, e fundador da Asociación Cultural Santa Columba e da revista do Museo Catedralicio de Mondoñedo.
Ordenado en Mondoñedo no 1955, o seu primeiro destino foi Parga e Trasparga, ata 1958, pasando logo a estudar Dereito canónico en Comillas.[2] Licenciado en 1960, foi durante oito anos capelán de emigrantes de Francia, volvendo a Mondoñedo en 1968, onde é encargado da fundación do museo catedralicio e diocesano,[3] e foi nomeado cóengo no 1983 por monseñor Sánchez Monge.
Como profesor, exerceu no Seminario de Santa Catalina e en colexios de EXB en Ferrol e Vilanova.[2]
Notas
[editar | editar a fonte]- ↑ Ramón Loureiro (9 de xullo de 2020). "La Galicia do Norte pierde al canónigo, investigador, jurista, escritor y pintor Santos Sancristóbal". La Voz de Galicia (en castelán).
- ↑ 2,0 2,1 Carrera, Juana (2020-07-10). "Fallece Don Santos, fundador del Museo Diocesano de Mondoñedo". COPE (en castelán). Consultado o 2022-06-15.
- ↑ Rodríguez Díaz, José María (10 de abril de 2008). "Don Santos y el Museo de Mondoñedo". Ribadeando.
