Rodocrosita
 | Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde maio de 2017.) |
| Rodocrosita | |
|---|---|
 Cristais de rodocrosita | |
| Información xeral | |
| Fórmula química | MnCO₃ |
| Clase | Carbonatos |
| Sistema cristalino | Triclínico |
| Propiedades físicas | |
| Cor | Rosa, vermella, parda e agrisada |
| Brillo | Vítreo |
| Dureza | 3,5-4 |
| Exfoliación | Perfecta, segundo as caras do romboedro basal |
| Fractura | Irregular |
| Raia | Branca |
| Densidade | 3,3-3,6 g/cm3 |
| Propiedades ópticas | |
| Clasificación | |
| Outros datos | |
| Referencias | |
A rodocrosita (do grego rhodon que significa rosa) é un mineral da clase dos carbonatos cuxa fórmula química é MnCO3 (contén aproximadamente un 61% de MnO).
Aspecto
[editar | editar a fonte]A rodocrosita preséntase en forma de cristais de formas pouco definidas formando agregados empenados, radiados ou en forma de estalactitas e costras. A súa cor característica é a rosa aínda que tamén pode adoptar outras como a vermella ou a parda, sendo a máis rara a rodocrosita de cor gris.
Ademais a rodocrosita pode conter na súa composición diferentes elementos engadidos. Segundo a aparición destes, podemos diferenciar 3 minerais que forman parte da serie isomorfa da rodocrosita. Estes son o ferro (rodocrosita de ferro), o calcio (rodocrosita de calcio) e o zinc (rodocrosita de zinc).
Rodocrosita de cor rosada con cuarzo
Cristal vermello de rodocrosita
Rodocrosita pulida
Lugares onde se atopa
[editar | editar a fonte]Este mineral crece en filóns hidrotermais e en rochas metamórficas, facendo tamén aparición en zonas de oxidación. Adoita asociarse á limonita, á rhodonita e ó cuarzo.
Dous dos xacementos máis importantes do mundo atópanse na Arxentina e no Colorado (Estados Unidos).
En España podémola atopar en Huelva e Cáceres, en xacementos de silicatos de manganeso e calcita respectivamente.
Usos da rodocrosita
[editar | editar a fonte]Debido a que ten unha gran concentración de MnO na súa composición, a rodocrosita é utilizada como mena para a extracción de manganeso.
É utilizada tamén en xoiería e como pedra ornamental.
Outros carbonatos
[editar | editar a fonte]Outros carbonatos de importancia son a calcita e a aragonita.
