Rodney Stuckey

Na Galipedia, a Wikipedia en galego.
Saltar ata a navegación Saltar á procura
Rodney Stuckey
Stuckey dribbling.jpg
Posición Base
Información persoal
Nacemento 21 de abril de 1986 (36 anos)
Flag of California.svg Seattle, Washington
Nacionalidade Estados Unidos de América Estados Unidos
Altura 1,96 m (6 ft 5 in)
Peso oficial 93 kg (205 lb)
Información da carreira
Instituto Kentwood (Covington, Washington)
Universidade Eastern Washington (2005–2007)
NBA Draft 2007 / Rolda: 1 / Elección: 15
Por Detroit Pistons
Carreira 2007–2017
Historial de equipos
Detroit Pistons (2007–2014)
Indiana Pacers (2014–2017)

Rodney Norvell Stuckey, nado o 21 de abril de 1986 en Seattle, Washington, é un ex xogador estadounidense de baloncesto profesional. Cunha altura de 1,96 metros xogaba nas posicións de base e escolta.

Carreira[editar | editar a fonte]

Universidade[editar | editar a fonte]

Stuckey acudiu ao Kentwood High School en Kent, Washington, lugar dende o cal pasou á Universidade de Eastern Washington. Alí gozou de dúas tempadas brillantes, ofrecendo uns números moi bos. Debutou na tempada 2005-06 facendo 24,2 puntos, 4,8 rebotes, 4,1 asistencias e 2,2 roubos por partido. Abraiou a toda a NCAA con 45 puntos ante Northern Arizona. No seu primeiro partido fronte a Pacific Lutheran conseguiu un dobre-dobre, con 14 puntos e 10 asistencias. Implantou un novo récord na súa universidade con 726 puntos nunha tempada liderando a Big Sky en anotación e alzouse co MVP da Big Sky.

Coma sophomore na tempada 2006-07 liderou novamente a Big Sky en puntos e rematou 7º no país con 24.6, ademais de 4.7 rebotes, 5.5 asistencias (2º da Big Sky) e 2.4 roubos de media. Fronte a Portland State rexistrou o seu máximo da tempada con 36 puntos. Chegou ou superou nove veces os 30 puntos. En só dúas tempadas anotou 1.438 puntos, capturou 279 rebotes, repartiu 283 asistencias e roubou 145 balóns. Nas dúas campañas foi galardoado coa honorábel mención All-America por The Associated Press e All-Big Sky Conference. Levou o número 3 en Eastern Washington en honra ao seu xogador favorito, Dwyane Wade.

NBA[editar | editar a fonte]

Stuckey foi elixido por Detroit Pistons no posto 15 da 1ª rolda do draft de 2007. A súa tempada coma rookie foi boa, e aproveitou ao máximo os minutos que se lle daban, facendo 7,6 puntos por partido durante a tempada regular, e mellorando os seus rexistros na postempada, onde fixo 8,2 puntos por encontro.

O 21 de xullo de 2014, Stuckey fichou polos Indiana Pacers.[1]

Notas[editar | editar a fonte]

  1. "Pacers Sign Rodney Stuckey". NBA.com. 21 de xullo de 2014. Consultado o 21 de xullo de 2014. 

Véxase tamén[editar | editar a fonte]

Ligazóns externas[editar | editar a fonte]