Revista Morcego
| Revista Morcego | |
|---|---|
.png) | |
 Logotipo da Gruta de Gizamaluke, podcast da Revista Morcego, creado por Iago Comedeiro. | |
| País | Galicia |
| Lingua | lingua galega |
| Especialidade | games podcast |
| Fundación | setembro de 2018 |
| Fundador | Carlos Pereiro |
| Na rede | |
| https://revistamorcego.com/ | |
      | |
| [ editar datos en Wikidata ] | |
A revista Morcego é unha publicación especializada en videoxogos editada en lingua galega.
Alén de novas sobre a actualidade da industria do videoxogo, como lanzamentos, atrasos, actualizacións ou sucesos; tamén recolle reportaxes divulgativas sobre o medio, entrevistas e columnas de opinión de sinaturas diversas. Trátase dun medio non lucrativo, sen publicidade, e que tampouco recibe subvencións de ningunha entidade pública. A súa principal fonte económica é colectiva, a través de Patreon [1], sendo un dos máis exitosos na Galiza dentro da plataforma estadounidense. Tamén entraría dentro dos dez Patreon máis importantes no eido dos medios de videoxogos en España, segundo a base de datos DeVuego[2].
Tamén se inclúe dentro da revista dixital un podcast semanal que recolle as novas máis importantes dos últimos días, amais de incluír seccións propias nun ton informal e lixeiro. Chámase A Gruta de Gizamaluke.
Traxectoria[editar | editar a fonte]
Comezou a editarse en setembro do ano 2018[3] a iniciativa do xornalista Carlos Pereiro[4], actual director da revista.
O proxecto podería ser considerado cooperativo e colectivo, ao ter aberta a recepción de artigos e reportaxes. Doutra banda, desde que naceu, foi abordando, máis aló da web como tal, outros formatos audiovisuais como o programa radiofónico A Gruta de Gizamaluke, nado na súa primeira tempada como un proxecto en colaboración co medio dixital PontevedraViva. Tamén conta cunha canle en YouTube e outra en Twitch[5] (colaboraron con Twitch en galego na retransmisión do Torneo do Grelo), cun contido diverso que vai dende gameplays a titoriais.
Para comezos do ano 2021, Morcego é considerado o principal foco de referencia informativa sobre videoxogos en lingua galega.
Notas[editar | editar a fonte]
- ↑ "Patreon da Revista Morcego". Patreon. Consultado o 26 de xaneiro do 2021.
- ↑ "Principais Patreons (por ingresos mensuais) de MEDIOS españoles de Videoxogos". Twitter DeVuego. Consultado o 26 de xaneiro do 2021.
- ↑ "Nace a primeira revista dixital de viodeoxogos en galego". La Voz de Galicia (en castelán). 2018-09-08. Consultado o 2021-05-27.
- ↑ "Quiosco: Revista Morcego". Cultura Galega. 11 de setembro de 2018. Consultado o 21 de marzo de 2019.
- ↑ "Twitch". Twitch. Consultado o 2021-01-26.
Véxase tamén[editar | editar a fonte]
Ligazóns externas[editar | editar a fonte]
- A gruta de Gizamaluke - Podcast da revista en PontevedraViva.