Revista Europea

Na Galipedia, a Wikipedia en galego.
Portada do nº1 da Revista Europea (1 de marzo de 1874), cun artigo de Castelar.

Revista Europea foi unha publicación periódica editada en Madrid, entre o 1 de marzo de 1874 e 20 de xuño de 1880[1], que sacou 319 números durante o período coñecido como Restauración.

Historia[editar | editar a fonte]

Foi fundada e dirixida segundo Sala Catalá polo cubano Tristán de Jesús Medina e Sánchez[2] e na súa posta en marcha intervirían igualmente Eduardo Medina e Luís Navarro e Calvo. Os directores da publicación foron Ricardo Merino e, despois, Armando Palacio Valdés[3]. A revista incluíu contido variado, tanto de vertente humanística (literatura, filosofía, antropoloxía...) como científica, tendo especial predilección pola historia natural. Tamén levou a cabo traducións de textos de autores estranxeiros como Herbert Spencer.

O carácter aberto e progresista da revista propiciou a presenza, nas súas páxinas, de interesantes polémicas como a mantida por Manuel de la Revilla e Juan de Vilanova sobre a teoría evolucionista[3], ou as polémicas mantidas por Marcelino Menéndez Pelayo, que recompilou posteriormente na súa obra "La Ciencia española"[4].

Contou con colaboracións de firmas como as de Juan Vilanova, Augusto González de Linares, Ludovico Carrau, Enrique Serrano Fatigati, Luciano Navarro Izquierdo, José do Perojo, José Ustáriz, Ángel Lasso de la Vega e Argüelles, José María Esperanza e Soa, Heliodoro María Jalón, Marcelino Menéndez Pelayo, Rafael Montoro, Mariano Pardo de Figueroa, Manuel de Tolosa Latour, José Villaamil e Castro, Francisco María Tubino e Oliva ou Alfredo Calderón, entre outros.

Notas[editar | editar a fonte]

  1. "Biblioteca virtual do Ateneo de Madrid". Consultado o 20-03-2017. 
  2. Sala Catalá, José. op.cit. pp. 32–33. 
  3. 3,0 3,1 Ortiz García, Carmen; Sánchez Gómez, Luis Ángel (1994). op.cit. p. 584. 
  4. "filosofía.org". Consultado o 26-03-2017. 

Véxase tamén[editar | editar a fonte]

Bibliografía[editar | editar a fonte]

  • Ortiz García, Carmen; Sánchez Gómez, Luis Ángel, eds. (1994). Diccionario histórico de la antropología española. Madrid: CSIC. pp. 587–588. ISBN 84-00-07443-2 
  • Ossorio y Bernard, Manuel (1903). Ensayo de un catálogo de periodistas españoles del siglo XIX. Madrid: Imprenta e litografía de J. Palacios. p. 222
  • Pasamar Alzuria, Gonzalo; Peiró Martín, Ignacio (2002). Diccionario Akal de Historiadores españoles contremporáneos. Akal. ISBN 84-460-1489-0
  • Sala Catalá, José (1987). Ideología y ciencia biológica en España entre 1860 y 1881: la difusión de un paradigma. Madrid: CSIC. ISBN 84-00-06633-2

Ligazóns externas[editar | editar a fonte]