O Reino do Bósforo ou Reino do Bósforo Cimmerio ou Cimmerio (en grego antigo Βασείλιον τοῦ Κιμμερικοῦ Βοσπορου) foi un estado que xurdiu da unión de varias cidadesgregas, encabezadas pola cidade de Panticapéon, a capital, con Eupatoria, Fanagoria . Feodosia e Tanais, para facer fronte cos escitas ou cimerios, que dominaban o interior e algunhas zonas do norte do Cáucaso. Na súa máxima extensión chegaba ao río Tanais polo norte e polo oeste ata as montañas de Teodosia. O reino formouse ao redor do -502 baixo a dinastía chamada Arcanactida. A rexión, fértil pero estreita, abastecía tradicionalmente a Grecia de 400.000 medimnos de trigo e de escravos.
Ao redor do ano -438 estableceuse unha nova dinastía de orixe tracia, con Espartoco I. A capital foi establecida en Panticapéon. A lista de reis foi reconstruída grazas ás obras de Estrabón, Diodoro de Sicilia, Luciano de Samosata, Polieno e Constantino VII Porfiroxénito, e as moedas atopadas na rexión, aínda que segue suxeita a posíbeis variacións a medida que se vaian atopando máis datos.
