Ramón Cabirta Otero
| Biografía | |
|---|---|
| Nacemento | 29 de agosto de 1898  Vilaboa |
| Morte | século XX |
| Datos persoais | |
| País de nacionalidade | España |
| Actividade | |
| Ocupación | mestre , político |
| Lingua | Lingua castelá |
Ramón Cabirta Otero, nado en Vilaboa o 29 de agosto de 1898,[1] foi un mestre e político galego.
Traxectoria[editar | editar a fonte]
Estudou Maxisterio na Escola Normal de Pontevedra, rematando en 1920.[2] Foi mestre interino en Orazo (1923),[3] e despois do pósito de Vilagarcía de Arousa. Aprobou as oposicións en 1926.[4] Foi destinado a Vilarxoán, foi mestre de Angoares (1928),[5] e dende 1930 do pósito de Moaña. Ingresou na Asociación de Trabajadores de la Enseñanza de Vigo (UGT) en xuño de 1932,[6] e foi socio fundador da Casa del Maestro de Pontevedra en 1934;[7] estaba afiliado ao Partido Galeguista.[8] Co golpe de Estado do 18 de xullo de 1936 fuxiu de Moaña ás agachadas para non comprometer a súa vida. Suspendido de emprego e soldo. Foi detido en Arcade pola Garda Civil de Moaña en decembro de 1936 acusado de ter unha pistola.[9] Resolto o seu expediente de depuración foi reposto con perda dos haberes de seis meses e traslado dentro da provincia en novembro de 1937.[10] Foi trasladado ao pósito do Grove, e foi secretario da confraría do Grove. Dende finais da década de 1950 foi mestre no Picacho (Vigo).
Notas[editar | editar a fonte]
- ↑ Primer escalafón de maestros de escuelas nacionales existentes en 31 de diciembre de 1933. Madrid: Ministerio de Instrucción Pública y Bellas Artes. 1934. p. 84.
- ↑ El Noticiero Gallego, 4-6-1920, p. 2.
- ↑ El Noticiero Gallego, 25-10-1923, p. 2.
- ↑ El Ideal Gallego, 25-5-1926, p. 2.
- ↑ El Eco de Santiago, 15-3-1928, p. 2.
- ↑ El Pueblo Gallego, 18-6-1932, p. 6.
- ↑ El Pueblo Gallego, 3-6-1934, p. 8.
- ↑ O galeguismo na encrucillada republicana (Vol. I). ("3.4. Socioloxía do P.G.")
- ↑ El Pueblo Gallego, 8-12-1936, p. 10.
- ↑ El Noticiero Gallego, 11-11-1937, p. 3.
Véxase tamén[editar | editar a fonte]
Bibliografía[editar | editar a fonte]
- Mascato, Antón (2019). Atila no Grove. Crónica política e Memoria da masacre (1923-1948). Santiago de Compostela: Positivas. p. 357. ISBN 978-84-120184-6-2.
Ligazóns externas[editar | editar a fonte]
- Ramón Cabirta Otero na páxina web Nomes e Voces.