Río Kouilou-Niari

Na Galipedia, a Wikipedia en galego.
Saltar ata a navegación Saltar á procura
Río Kouilou-Niari.

O río Kouilou-Niari, tamén chamado Kwilu, Kwila, e Kwil, é o río máis importante da República do Congo. O río chámase Kouilou durante a maior parte do percorrido, pero na súa sección central, na rexión de Niari, coñécese como río Niari. O río combínase co Louessé e verte as súas augas no océano Atlántico. Percorre uns 700 quilómetros dende o seu nacemento na meseta do Congo até a súa desembocadura.

O río ten numerosas fervenzas, entre as que destacan as fervenzas Zrinski, nomeadas na honra dos nobres croatas Nikola Zrinski e Petar Zrinski, xa que foron descubertas en 1882 por Dragutin Lerman, un compoñente croata da expedición de Henry Morton Stanley.