Humber

Na Galipedia, a Wikipedia en galego.
(Redirección desde «Río Humber»)

Falta algunha imaxe que ilustre o artigo
 Este artigo non contén imaxes. Pode axudar cargando imaxes, na Galipedia ou na Wikimedia Commons, relacionadas co contido do artigo, ou incluíndo unha xa existente.
 Debe ter en conta as políticas de uso de imaxes e o respecto polos dereitos de autoría.

O Humber (en inglés, The Humber) é un gran esteiro do mar do Norte afectado pola acción das mareas, localizado na costa leste do norte de Inglaterra. O esteiro Humber fórmase en Trent Falls, Faxfleet, pola confluencia do río Ouse e do río Trent, os niveis e fluxos destes ríos están influenciados pola acción das mareas no mar do Norte. Desde aquí até o mar do Norte, forma parte do límite entre East Riding of Yorkshire na súa marxe norte e North Lincolnshire na súa marxe sur. Debido a que o Humber é un esteiro en canto á zona na que se forma, non é correcto identificalo ou referirse a el como o río Humber.

Augas abaixo de Trent Falls, o Humber cruza a confluencia co Market Weighton Canal na súa marxe norte, a confluencia do río Ancholme na súa costa sur; entre North Ferriby e South Ferriby e pasa debaixo da ponte do Humber; entre Barton-upon-Humber sobre a súa marxe sur e Kingston upon Hull sobre a súa marxe norte (zona na cal se lle une o río Hull), e finalmente chega ao mar do Norte entre Cleethorpes polo lado de Lincolnshire e a longa e estreita franxa de terra que forma Spurn Head no norte.

Sobre o esteiro atópanse varios portos, tales como Hull, Grimsby, Immingham, New Holland e Killingholme.

O esteiro dá nome a un dos antigos reinos dos anglos, o Reino de Northumbria, situada ao norte do esteiro (Northumbria = «ao norte do Humber») que abarcaba o que hoxe é a rexión do Norte de Inglaterra e Lothian, en Escocia[1].

Notas[editar | editar a fonte]

  1. Pellé, Clément. Historia de Inglaterra, Volumen 1, pág. 100. Impr. del Imparcial, 1844. En Google Books. Consultado o 31 de maio de 2016.