Río Adour

Río Adour
País	Francia
Nacemento	Pic Midi de Bigorre
Lonxitude	335 km
Conca	16.880 km²
Caudal medio	350 m³/s
Desembocadura	Océano Atlántico
Curso do Adour ou Ador no sur de Francia

O río Adour o seu paso por Baiona

O Adour en Aire-sur-l'Adour

O Adour (en vasco Aturri e en occitano Ador) é un río francés da Gascoña, Occitania que verte as súas augas no Atlántico logo dun curso de 335 km.

Percorrido

Nace nos Pireneos no Pic de Midi de Bigorre, fluíndo desde aí cara o oeste en busca do océano Atlántico, no cal desemboca, en Laburdi, augas abaixo da cidade de Baiona, practicamente en Anglet.

É o cuarto río máis importante de Francia dos que tributan ás súas augas na fachada atlántica, despois do Sena, o Loira e o Garona, aínda que a súa lonxitude é superada por ríos afluentes como o Dordogne.

Departamentos e localidades principais que atravesa

• Altos Pireneos: Bagnères de Bigorre, Tarbes, Maubourguet
• Gers: Riscle
• Landes: Aire-sur-l'Adour, Grenade-sur-l'Adour, Saint-Sever, Dax, Tarnos
• Pireneos Atlánticos: Baiona

Principais afluentes

Pola beira dereita:

• Arros
• Midouze

Pola beira esquerda:

• Échez
• Luy
• os Gaves reunidos, formados pola unión do Gave de Pau e do Gave d'Oloron
• Bidouze
• Nive, xúntase ao Adour en Baiona.

Economía

O Adour no pasado era unha importante vía de transporte de madeira, que se conducía a través das súas augas até o porto de Baiona. Esta actividade mantívose até inicios do século XX, momento no que non puido soportar a competencia do ferrocarril, máis rápido e barato. Aínda hoxe, con todo, é unha boa vía por onde se saca o millo cultivado nas terras interiores.

O río é dos poucos que en Europa aínda se conservan con augas nas que afrezoan ou desovan os salmóns (Salmo salar).