Punta Europa

Na Galipedia, a Wikipedia en galego.
Saltar ata a navegación Saltar á procura

Coordenadas: 36°06′35″N 5°20′47″O / 36.109609, -5.34626

Vista aérea de Punta Europa.

A Punta Europa ou Punta de Europa (en inglés: Europa Point) é o punto máis meridional de territorio británico de ultramar de Xibraltar, limitando polo leste a baía de Alxeciras, non así o máis meridional da península Ibérica que é a Punta de Tarifa, que constitúe ademais o punto máis meridional da Europa continental.

Situada no extremo da rocha de Xibraltar, a área é chaira e está ocupada por un campo de xogo e algúns edificios. Nun día claro hai unha boa vista do estreito de Xibraltar; África, incluíndo as montañas do Rif; e a baía de Alxeciras, así como as cidades españolas da súa beira.

Os edificios inclúen a mesquita de Ibrahim-al-Ibrahim, o santuario da nosa Señora de Europa e un faro.

Recibe ese nome debido a que durante a época medieval pensábase que, efectivamente, tratábase do punto máis meridional do continente europeo (realmente, este punto atópase na punta de Tarifa). O topónimo inglés traduce a voz xeográfica ("punta" transfórmase en point) en tanto que a parte distintiva permanece invariante (sen utilizar o topónimo en inglés, Europe). A razón diso é que a forma en castelán domina na fala xibraltareña.[1]

Notas[editar | editar a fonte]

  1. Cuesta Estévez, Gaspar J. (2001). "Toponimia bilingüe de Gibraltar: acercamiento a un problema histórico y sociolingüístico". Almoraima. Revista de Estudios Campogibraltareños (Mancomunidad de Municipios del Campo de Gibraltar) (25): 444. ISSN 1133-5319.