Portal:Tanzania/Cidade destacada/1

Dar es Salaam (en árabe: دار السلام, Dār as-Salām; antigamente coñecida como Mzizima) é a maior cidade de Tanzania, cunha poboación de 4 364 541 habitantes segundo o censo oficial de 2012. É o principal centro económico e foi a capital do país até 1996. É tamén a capital da rexión homónima.

Sita na costa do Océano Índico, Dar es Salaam é o principal porto de Tanzania, por onde se xestionan as exportacións de café, cotón, pita e peles. As industrias locais comprenden a alimenticia, a téxtil, a do cemento e as farmacéuticas.