Portal:Ópera/Sobre a Ópera/agosto 2013

"Felice Romani", nado o 31 de xaneiro de 1788 en Xénova e finado o 28 de xaneiro de 1865 en Moneglia, foi un poeta, libretista e profesor de literatura e mitoloxía italiano. Escribiu numerosos libretos para óperas de compositores como Donizetti e Bellini. Romani é considerado como un dos mellores libretistas xunto a Metastasio e Boito.

Entre os seus libretos salientan os empregados para as óperas de Bellini La sonnambula, Norma, La straniera, así como de L'elisir d'amore de Donizetti ou a ópera temperá de Verdi Un giorno di regno.