Ponte dos Mártires do 15 de xullo

Ponte dos Mártires do 15 de xullo
Localización
Río	Estreito do Bósforo
Cidade	Istambul
País	Turquía
Características
Construción	1973
Lonxitude	1560 m.
Ancho	33,40 m.
Gálibo	64 m.
Tipo	Ponte pénsil
Material	Aceiro

A ponte dos Mártires do 15 de xullo ou ponte do Bósforo (ponte Bosphorus) (turco: Boğaziçi Köprüsü, Boğaziçi Köprüsü ou Birinci Köprü) é unha ponte pénsil que liga a parte asiática coa parte europea da cidade de Istambul, Turquía, atravesando a canle do mesmo nome. Ten unha lonxitude de 1074 metros e posúe seis carrís (tres de cada banda).

Con todo, esta non é a ponte pénsil máis longa de Istambul. A ponte de Fatih Sultan Mehmet foi rematada en 1988, posúe unha lonxitude 1090 metros e atópase case a cinco quilómetros ao norte da primeira ponte. Durante as horas pico da cidade, estas dúas pontes sofren grandes atascos de tránsito. Ademais, as dúas pontes teñen estipulado unha peaxe de paso (actualmente de 3 YTL, un pouco menos de 2 euros) que se cobra só cando se pasa desde a parte europea á asiática. Este cobro de portaxe fai aínda máis importantes os atoamentos que se forman.

O proxecto de construción dunha ponte pénsil sobre o estreito do Bósforo foi concibido polo goberno turco en 1950, levándose a cabo 20 anos despois, en 1970. A construción durou 3 anos, polo que o proxecto finalizou en 1973.

Desde o 23 de abril de 2007, esta ponte está iluminada mediante LEDs, co que se consegue un importante aforro enerxético.

Véxase tamén

Ligazóns externas

• Turquía renombra el Puente del Bósforo a causa del golpe de Estado Arquivado 07 de setembro de 2016 en Wayback Machine. (en castelán)