Ponte do Pozo Negro
Coordenadas: 42°43′42.16″N 8°13′26.6″O / 42.7283778, -8.224056
| Ponte do Pozo Negro | |
|---|---|
 | |
| Localización | |
| Río | Deza |
| Concello | Silleda - Vila de Cruces |
| Provincia | Pontevedra |
| Características | |
| Construción | Principios século XX |
| Tipo | taboleiro |
| Material | Pedra, formigón e ferro |
A ponte do Pozo Negro ou do Puzo Negro[Cómpre referencia] é unha ponte construída sobre o río Deza entre as parroquias de Ponte (Silleda) e San Pedro de Losón (Vila de Cruces).
Situación e descrición[editar | editar a fonte]
Sitúase a carón do Pozo Negro, do cal toma o nome. Este pozo do Deza recibe esta denominación debido á cor escura que toma a auga do río nese lugar.
Consta dunha plataforma de formigón e ferro, protexida por unha varanda tamén de ferro. Esta plataforma sostense sobre dúas paredes de parede levantadas a ambas lados do río, estando contruída a do lado de Ponte sobre un penedo.
Historia[editar | editar a fonte]
Foi construída a comezos do século XX para canalizar o tránsito de persoas e mercadorías entre as terras do Corpiño e Carbia e as de Trasdeza, onde se viña celebrando na parroquia de Silleda unha feira os días 6 e 23 de cada mes. Así pois, o camiño que se dirixe cara esta ponte aínda conserva o nome de camiño da feira[1].
Coa mellora das vías e medios de comunicación, esta ponte caeu en desuso en detrimento doutras próximas (A Carixa, Ponte Taboada). No ano 1993, abriuse ao tránsito a PO-205, cuxo viaduto axudou a salvar o desnivel do Deza entre Ponte e San Pedro de Losón. Na actualidade a ponte do Pozo Negro só é utilizada por troiteiros e sendeiristas.
Galería de imaxes[editar | editar a fonte]
Cara norte da ponte.
Penedo no Pozo Negro.
O Pozo Negro.
Notas[editar | editar a fonte]
- ↑ Ferreira Priegue, Elisa María. Los caminos medievales de Galicia
Véxase tamén[editar | editar a fonte]
Ligazóns externas[editar | editar a fonte]
- Ponte do Pozo Negro na páxina web colaborativa Patrimonio Galego.