Os kankuamos, tamén chamados kankuaka, kankui ou kankuané, son un pobo indíxena de Colombia que habita na área que abrangue dende as ladeiras meridionais da Serra Nevada de Santa Marta até o norte do departamento de Cesar, nos correxementos de Atánquez, Guatapurí, Chemesquemena, Los Haticos, La Minha e Río Seco.[1] O pobo kankuamo, cuxa poboación se estimou nunhas 15000 persoas no ano 2006, falan o "sánha", unha variedade da lingua atanque da familia lingüística chibcha. As súas leis baséanse na natureza e consideran a Serra Nevada de Santa Marta, a montaña costeira máis alta do mundo, como sagrada. Na súa lingua nativa chámana Umunukunu.[2] Moitos kankuamo, a maioría deles comerciantes, non falan a súa lingua nativa.[3]
Serra Nevada de Santa Marta, fogar do pobo kankuamo.
