Os caiapós[1] son pobo indíxena que habita nas chairas de Mato Groso e Pará, no Brasil, no sur da conca do Amazonas, do Xingu e dos seus tributarios.[2] Os caiapós chámanse a si mesmos "mebengokre", que quere dicir "pobo da fonte".
Falan a lingua caiapó, que pertence á familia de lingua jê. Os caiapós están divididos en varios grupos, o que resultou en diferentes dialectos da súa lingua. Os caiapó teñen unha alta consideración da oratoria, chamándose a si mesmos "os que falan fermosamente" (Kaben mei) cando se comparan con outros grupos indíxenas. Os caiapós teñen diferentes graos de coñecemento do portugués, dependendo dos diferentes grupos e da súa historia de contacto con foráneos.
.jpg?lang=gl)
