Phengaris alcon

Na Galipedia, a Wikipedia en galego.
Saltar ata a navegación Saltar á procura

Phengaris alcon
Glaucopsyche alcon-01 (xndr).jpg
Estado de conservación
En perigo
En perigo[1]
Clasificación científica
Reino: Animalia
Filo: Arthropoda
Clase: Insecta
Orde: Lepidoptera
Familia: Lycaenidae
Xénero: Phengaris
Especie: P. alcon
Nome binomial
Phengaris alcon
(Denis & Schiffermüller, 1775)
Sinonimia

Glaucopsyche alcon
Maculinea alcon (Denis & Schiffermüller, 1775)

A Phengaris alcon é unha especie de bolboreta da familia dos licénidos que habita en Europa e Asia setentrional. Pode ser vista durante o verán. Como outras especies de Lycaenidae, no seu estadio larvario (eiruga) depende do apoio de certas formigas; como tal é designada como unha especie mirmecófila, un exemplo de coevolución.

Ciclo de vida[editar | editar a fonte]

Ovos de Phengaris alcon en Gentiana pneumonanthe

Esta bolboreta deposita os seus ovos na Gentiana pneumonanthe; (na rexión dos Alpes son ás veces atopados na Gentiana asclepiadea). As eirugas non comen outras plantas.[2]

As larvas abandonan a planta despois de medrar abondo (4º estadio) e agardan no chan até ser atopadas por determinadas formigas. As larvas emiten químicos superficiais (alomonas) moi semellantes ás das larvas das formigas, o que induce ás formigas a transportar as larvas da bolboreta ó interior dos seus formigueiros, colocándoas a carón das súas larvas; alí son alimentadas polas formigas obreiras mentres que a formigueira devora as larvas das formigas.[3]

Cando a larva da bolboreta está totalmente desenvolvida transfórmase en pupa. Cando o adulto emerxe ten que emprender a fuga do niño de formigas. Estas recoñecen a bolboreta como un intruso, pero cando tratan de atacala coas súas mandíbulas non conseguen agarrala pois a bolboreta posúe unha capa espesa de escamas que se soltan facilmente.[4]

Notas[editar | editar a fonte]

  1. {{{assessors}}} (1996). Maculinea alcon. 2006 Lista Vermella de Especies Ameazadas IUCN. IUCN 2006. Consultado o 8 de maio de 2006.
  2. Bellmann, Heiko (2003): Der neue Kosmos-Schmetterlingsführer.
  3. Caterpillars con ants with smell, BBC News, 4 de xaneiro de 2008
  4. Piper, Ross (2007), Extraordinary Animals: An Encyclopedia of Curious and Unusual Animals, Greenwood Press.

Véxase tamén[editar | editar a fonte]

Ligazóns externas[editar | editar a fonte]