Saltar ao contido

Petróglifos de Ghorghalado

Na Galipedia, a Wikipedia en galego.

Coordenadas: 41°55′52″N 8°47′30″O / 41.931236614696, -8.7917650007123

Petróglifos de Ghorghalado
RexiónAs Eiras (O Rosal)
Tipopetróglifos
Historia
PeríodosIdade de Bronce, entre o ano 1200 e 600 a. C.
Notas do sitio
Descuberto2012
PropiedadeComunal
Acceso públicoSi

Os petróglifos de Ghorghalado son un conxunto de máis de 350 motivos gravados rupestres da Idade de Bronce situados na parroquia das Eiras (O Rosal).[1]

Descrición

[editar | editar a fonte]

O conxunto arqueolóxico ten 350 gravados reunidos en pequenos grupos, que forman diversas composicións xeométricas e abstractas aproveitando as fendas e as irregularidades da roca esquistósica na que están labrados para ordenar a disposición.[2] Son recorrentes os círculos concéntricos, algúns con cazoleta; tamén as formas cuadrangulares e ovaladas e as liñas.[1]

Descubrimento

[editar | editar a fonte]

Os petróglifos de Ghorghalado descubríronse de forma casual en 2012 por unha veciña do lugar.[3] En 2015, o Concello do Rosal, xunto coa Deputación de Pontevedra, a Dirección Xeral de Patrimonio e a comunidade de montes das Eiras escavaron este xacemento que se atopaba enterrado e cuberto de vexetación e que constitúe o primeiro petróglifo que se desenterrou en Galicia para a súa recuperación.[4][1]

  1. 1,0 1,1 1,2 Rodríguez Serantes, María; Alonso de Dios, Alberto (2022). "Petroglifos do Ghorghalado". Galicia Máxica. Consultado o 20 de febreiro de 2022. 
  2. Petróglifo de Ghorgholado na páxina web colaborativa Patrimonio Galego.
  3. "O Rosal saca a la luz su mayor petroglifo". Faro de Vigo. 8 de marzo de 2014. Consultado o 21 de febreiro de 2022. 
  4. "O Rosal muestra el petroglifo recuperado de Eiras con más de 350 motivos rupestres". Faro de Vigo. 13 de decembro de 2015. Consultado o 20 de febreiro de 2022. Es la primera vez que se excava un petroglifo en Galicia 

Véxase tamén

[editar | editar a fonte]

Ligazóns externas

[editar | editar a fonte]