Percé
| |||||
| Localización | |||||
|---|---|---|---|---|---|
| |||||
| Estado | Canadá | ||||
| Provincia | Quebec | ||||
| Rexión | Gaspésie-Îles-de-la-Madeleine (pt)  | ||||
| Concello rexional | Le Rocher-Percé (pt)  | ||||
| Contén a división administrativa | Barachois (en) Belle-Anse (en) Bougainville (en) Bridgeville (pt) Cannes-de-Roches (pt) Cap-d'Espoir (en) Corner of the Beach (en) L'Anse-à-Beaufils (en) Pointe-Saint-Pierre (en) Rameau (en) Saint-Georges-de-Malbaie (en) Val-d'Espoir (pt) | ||||
| Poboación | |||||
| Poboación | 3.095 (2021) (5,62 hab./km²) | ||||
| Xeografía | |||||
| Parte de | |||||
| Superficie | 550,3 km² | ||||
| Comparte fronteira con | |||||
| Creación | 1 de xaneiro de 1971 | ||||
| Páxina web | ville.perce.qc.ca | ||||
.svg)
Percé ou Sigsoq[1] [2] é unha municipalidade con status de vila[3] que se localiza nas proximidades da punta da península de Gaspé no Quebec. Membro da Asociación das máis fermosas vilas do Quebec, é un destino turístico importante, en especial coñecido polo seu penedo e pola illa Bonaventure. Alén da propia vila de Percé o territorio da municipalidade tamén inclúe as comunidades de Barachois, Belle-Anse, Bougainville, Bridgeville, Cap-d'Espoir, Cannes-de-Roches, Coin-du-Banc, L'Anse-à-Beaufils, Pointe-Saint-Pierre, Rameau, Saint-Georges-de-Malbaie e máis Val-d'Espoir. Percé é a sede do distrito xudicial de Gaspé[4].
Historia
[editar | editar a fonte]A zona formaba parte das terras tradicionais dos micmac, que lle chamaban ao lugar Sigsôg ("cantís espidos" ou "rochas escarpadas"). En 1603, Samuel de Champlain visitou o lugar e chamou á súa famosa rocha ille Percée ("illa furada"). Durante o século XVII os europeos usaron o lugar principalmente como escala para os barcos que viaxaban a Quebec. [2]
Foi un centro de pesca estacional na colonia francesa de Nova Francia e os micmacs locais, total ou parcialmente, convertéranse ao catolicismo xa que o 6 de maio de 1659 ao facer escala na localidade o primeiro bispo do Quebec, François de Montmorency-Laval, e celebrar a primeira misa pontifical de Nova Francia[5] confirmou algunhas ducias de micmacs[6]. En 1690 os británicos atacaron Percé capturaron a súa frota pesqueira[7][8]. Entre 1784 e 1792 chegaron a Percé e á súa rexión familias norteamericanos lealistas de orixe inglesa e irlandesa[9]. A principios do século XIX coa chegada de irlandeses, francocanadenses e nativos de Jersey converteuse nun establecemento permanente. En 1801 formouse a parroquia de Saint-Michel-de-Percé. [2] A compañía pesqueira de Charles Robin fundou alí un dos seus establecementos pesqueiros. En 1842 estableceuse a vila de Percé e tres anos despois transformouse en municipalidade vilega.[2]
Durante a segunda guerra mundial en 1942 a Mariña Real do Canadá tomou a decisión de ampliar a estación de interceptación de Cap d'Espoir a unha base de 24 horas para mellorar a información sobre o paso de submarinos alemáns e interceptar o tráfico de radio inimigo. O Departamento de Transportes puxo as súas instalacións a disposición da RCN. En maio de 1945, o Servizo Naval do Canadá aprobou o peche e eliminación das estacións de interceptación de Harbour Grace e Cap d'Espoir.
En 1971 ao se fusionar coas municipalidades de Barachois (que se formara en 1953), Bridgeville (1933), Cap-d'Espoir (1935), Saint-Pierre-de-la-Malbaie N°1 (1876) e Saint-Pierre-de-la-Malbaie N°2 (1876) gañou o status de ville (vila) e adquiriu a súa actual configuración.
Demografía
[editar | editar a fonte]| Ano | 1976 | 1981 | 1986 | 1991 | 1996 | 2001 | 2006 | 2011 | 2016 |
|---|---|---|---|---|---|---|---|---|---|
| Poboación | 5198 | 4839 | 4686 | 4028 | 3993 | 3614 | 3419 | 3312 | 3103 |
| Lingua materna segundo o censo do Canadá - Percé, Quebec | ||||||||||||||||||
|---|---|---|---|---|---|---|---|---|---|---|---|---|---|---|---|---|---|---|
| Censo | Total | Francés
|
Inglés
|
Inglés e francés
|
Outras
| |||||||||||||
| Ano | Respostas | Número | Tendencia | Pop % | Número | Tendencia | Pop % | Número | Tendencia | Pop % | Número | Tendencia | Pop % | |||||
2016
|
3 080
|
2 415 | 78.40% | 610 | 19.80% | 30 | 1% | 15 | 0.50% | |||||||||
2011
|
3 310
|
2 595 |  3.7%
|
78.40% | 665 |  3.1%
|
20.09% | 40 | 166.7%
|
1.21% | 10 | 84.6%
|
0.30% | |||||
2006
|
3,420
|
2 695 | 6.9%
|
78.80% | 645 | 7.9%
|
18.86% | 15 |  0.0%
|
0.44% | 65 | n/a%
|
1.90% | |||||
2001
|
3,610
|
2 895 | 8.7%
|
80.19% | 700 | 0.7%
|
19.39% | 15 | 75.0%
|
0.42% | 0 | 100.0%
|
0.00% | |||||
1996
|
3,950
|
3 170 | n/d | 80.25% | 705 | n/d | 17.85% | 60 | n/d | 1.52% | 15 | n/d | 0.38% | |||||
Relixión
[editar | editar a fonte]A principal confesión da municipalidade é o catolicismo en Percé funcionaba unha misión católica dende 1670[10]. En 1860 a misión de Percé mudou a parroquia e entre 1900 e 1903 erixiuse a igrexa de San Miguel. En 1922 ao se erixir a diocese de Gaspé Percé pasou a depender dela. Ademais de Percé contan con parroquias propias as localidades de Barachois (igrexa de San Pedro), Cap d'Espoir (igrexa de San Xosé) e Val d'Espois (igrexa de San Francisco de Sales) e ademais conta con igrexa en Malbaie dedicada a San Xurxo. A outra confesión que conta con lugares de culto en Percé é o anglicanismo, porén tan só 190 persoas declaraban ser desa confesión en 2001[11]. Percé pertence á diocese do Quebec da igrexa anglicana do Canadá e conta con congregacións en Percé (igrexa de San Pablo), Barachois (igrexa de San Pablo), Coin-du-Bac (igrexa de San Lucas) e Malbaie (igrexa de San Pedro).
Turismo
[editar | editar a fonte].jpg)
O penedo Percé é unha gran formación rochosa que se sitúa preto da beira da costa, fronte á vila. Constitúe unha atracción turística natural polo seu tamaño, cor e polo seu feitío pouco habitual, ao xeito dun burato en forma de porta nun dos cabos da rocha. Pódese ver dende calquera dos miradoiros da zona, como o Mont Joli, Mont Sainte-Anne ou o Pic de l'Aurore. Percé está recoñecido xeoparque recoñecido pola UNESCO en 2018[12], o primeiro do Quebec[13].
A rexión alberga milleiros de aves mariñas, que ateigan as rochas do parque nacional da illa Bonaventure e do penedo Percé fronte á vila, e así a illa Bonaventure ocupa unha superficie de 4,16 km2 fronte á vila de Percé. Habítaa unha das colonias de mascatos máis importantes do mundo e moitas outras especies de aves téñena como fogar e lugar de cría, entre eles os araos papagaios, corvos mariños ou os araos dos cons[14].
A observación de cetáceos tamén é unha atracción popular na zona, sobre todo a procura das baleas francas setentrionais, unha das baleas máis raras, e que comezaron a se concentrar en Percé en 1995, cando anterioremente fora un visitante esporádico no golfo de San Lourenzo pero que viu un aumento gradual dende 1998[15], principalmente na península de Gaspé[16].
Máis no interior de Percé atópase o Mont Blanc que ten unha profunda crevasse, así como moitos outros miradoiros con vistas a Cannes-de-Roches. O monte Sainte-Anne, cunha altura de 375 metros, ofrece vistas ao mar e, en épocas de boa visibilidade, pódese ver a illa Miscou en Novo Brunswick.
Les Percéides, festival anual de cinema de Percé, proxecta unha serie de películas durante unha semana en diversos locais da vila, que teñen o seu cume nunha proxección de gala ao aire libre na praia pública.
Transporte
[editar | editar a fonte].jpg)
A estrada 132 atravesa todo o territorio e a estrada Lemieux permite arrodear a vila de Percé. Os autobusés de Orléans Express efectúan unha vez ao día o traxecto Montreal-Gaspé et Gaspé-Montreal, con parada en Percé.
O tren Chaleur de VIA Rail realizaba tres veces por semana o servizo entre Montreal e Gaspé, non obstante no ano 2013 cancelouse. O goberno do Quebec converteuse en maio de 2015 no propietario do ferrocaril de Gaspé e a partir de 2017 principiou a rehabilitación da vía férrea e hai plans para a volta do servizo de pasaxeiros en 2015.[17]
A partir de 2012, a Régie inter-municipale de transport Gaspésie – Îles-de-la-Madeleine (RÉGÎM) é o responsable deorganizar os servizos de transporte interurbano. no territorio de Gaspésie-Les Îles[18]
Tamén se pode acceder por vía aérea dende o aeroporto Du Rocher-Percé mediante avións privados ou chárter, ao non existir un servizo aéreo regular.
Economía
[editar | editar a fonte]O principal sector económico da municipalidade é o turismo, arredor de 60 000 visitantes pasan cada ano ao pé do penedo de Percé.
Administración local
[editar | editar a fonte]Alcaldes:
- Georges Mamelonet (2003–2008)
- Denis Cain (2009–2009)
- Bruno Cloutier (2009-2013)
- André Boudreau (2013-2017)
- Cathy Poirier (2017- )
Notas
[editar | editar a fonte]- ↑ Sigsoq non é unha forma oficial pero está recoñecida como variante tradicional. Non obstante, os micmac xa non a empregan hoxe en día para se referir á localidade e prefiren Pewjeg
- ↑ 2,0 2,1 2,2 2,3 "Percé". Commission de toponymie.
- ↑ "Répertoire des municipalités: Percé". Ministère des Affaires municipales et de l'Habitation.
- ↑ Territorial Division Act. Revised Statutes of Quebec D-11.
- ↑ Gosselin, Auguste (1896). "Les normands au Canada. Henri de Berniéres". Revue catholique d'histoire, d'archéologie et litterature de Normandie 6: 307.
- ↑ Guéry, C (1892). "Vie de mgr. de Laval". Revue catholique d'histoire, d'archéologie et litterature de Normandie 2: 95.
- ↑ Dubois, Paul-André (2020). Lire et écrire chez les Amérindiens de Nouvelle-France. Presses de l'Université Laval. p. 450.
- ↑ Gagniers, Jean Des (1994). Charlevoix, pays enchanté. Presses Université Laval. p. 115.
- ↑ Roy, Charles Eugène e Roy, Claude (1947). Percé, sa nature, son histoire. Perce-Neige. p. 166.
- ↑ "Percé". Encyclopedia Britannica.
- ↑ "2001 Community Profiles. Percé". Stadistique Canada.
- ↑ "Le Géoparc de Percé devient un Géoparc mondial UNESCO". Géoparc de Percé..
- ↑ "Réseau des Géoparcs mondiaux UNESCO". Commission canadienne pour l'UNESCO.
- ↑ "IBA: Île Bonaventure / Bonaventure Island". IBA Canada.
- ↑ "Une baleine noire en vue! Merci d’appeler Urgences Mammifères Marins!". baleinesendirect.org. 12 de xullo de 2013.
- ↑ "La baleine la plus menacée au monde au large de la Gaspésie". Radio Canada. 21 de agosto de 2015.
- ↑ "Réhabilitation du Chemin de fer de la Gaspésie - Transports Québec". transports.gouv.qc.ca.
- ↑ "À propos de la RÉGÎM – RÉGîM".
