Patricia Torres
  | |
| Biografía | |
|---|---|
| Nacemento | 2 de setembro de 1984 (39 anos) Caracas, Venezuela |
| Alcaldesa de Boborás | |
| 2019 – ← Cipriano Caamaño | |
| Datos persoais | |
| País de nacionalidade | España |
| Actividade | |
| Ocupación | xornalista , política |
| Partido político | Partido Popular de Galicia |
| Lingua | Lingua galega e lingua castelá |
Ana Patricia Torres Madureira, nada en Caracas o 2 de setembro de 1984, é unha xornalista e política galega do PPdeG.
Traxectoria[editar | editar a fonte]
Licenciada en Xornalismo coa especialidade de Audiovisual pola Universidade de Santiago de Compostela. Traballou na Cadena SER en Ourense, Faro de Vigo, a produtora de La Región e a Televisión de Galicia. Nas eleccións municipais de 2011 foi elixida concelleira de Boborás polo PPdeG na candidatura encabezada por Cipriano Caamaño, e foi concelleira de Cultura, Turismo, Deporte e Xuventude. Nas municipais de 2011 volveu ser elixida concelleira e foi responsable de Cultura, Turismo, Deporte, Educación, Xuventude e portavoz. É deputada provincial de Cultura e Proxectos Audiovisuais dende 2015.[1] Nas municipais de 2019 encabezou a candidatura do PPdeG que obtivo a maioría absoluta (8 concelleiros de 11), e foi elixida alcaldesa de Boborás. É vicepresidenta da Mancomunidade de Concellos do Carballiño, do Xeodestino Ribeiro-O Carballiño e da Asociación Ruta do Viño do Ribeiro. Tamén é presidenta da Fundación Antón Losada Diéguez. Nas municipais de 2023 volveu encabezar a candidatura do PPdeG e volveu ser elixida alcaldesa con maioría absoluta (10 concelleiros de 11).[2] Pertence á Xunta Directiva e ao Comité Executivo do Partido Popular de Ourense dende 2015, no que é voceira dende 2021. Tamén forma parte da Xunta Directiva do PP de Galicia.
Tralos comicios municipais de 2023, Torres foi designada tamén como deputada provincial polo PP. Semanas despois, o novo presidente da deputación, Luis Menor, nomeouna voceira popular na entidade[3].
| Predecesor: Cipriano Caamaño |
 Alcaldesa de Boborás 2019 - actualidade |
Sucesor: no cargo |
Notas[editar | editar a fonte]
- ↑ Ficha na Deputación de Ourense
- ↑ Ana Patricia Torres: "O apoio dos veciños fixo que sexa a muller máis votada de Galicia.
- ↑ "Luis Menor sitúa como portavoz del PP en la Diputación de Ourense a la alcaldesa de Boborás, de la órbita 'baltarista'". www.europapress.es. 2023-07-17. Consultado o 2023-11-02.