Paspán

Paspán
Nome orixinal     Muttley (en)
Instancia de can ficticio personaxe de televisión personaxe de banda deseñada personaxe animado
Papel secuaz
Parte de Dick Dastardly and Muttley (en)
Obra
Primeira aparición See-Saw to Arkansas (en)
Presente na obra Os tolos do volante Wacky Races Forever (en) The Good, the Bad, and Huckleberry Hound (pt) Wacky Races (pt) Wacky Races Jellystone! (en) Magnificent Muttley (en) Yo Yogi! (pt) Hanna-Barbera's 50th: A Yabba Dabba Doo Celebration (pt) Dastardly and Muttley in Their Flying Machines (pt) Yogi's Treasure Hunt (pt) Dinamite, o Bionicão (pt)
Universo ficticio Wacky Races universe (en) Yogi Bear universe (en)
Franquía Wacky Races (en)
Creador/a Iwao Takamoto
Interpretado por Don Messick Jeff Bergman Joe Alaskey Scott Innes (pt) Billy West Lewis MacLeod
Actor de dobraxe Don Messick Jeff Bergman Billy West Scott Innes (pt)
Biografía
Sexo home
Linguas faladas lingua inglesa
Cor dos ollos negro abelanado
Actividade
Inimigo/a Oso Yogi Cerberus (en) Rotten Robots (en) Dee Dee Skyes (en) Dusty (en) Blue Falcon (en) Cindy Bear (pt) Manda-Chuva (personagem) (pt) Falcon Force (en) Dynomutt (en) Daphne Blake (pt) Ranger Smith (pt) Oso Bubu Brian Crown (en) Huckleberry Hound (en) Shaggy Rogers Scooby-Doo Fred Jones
Ocupación secuaz copiloto
Localización  País de orixe Estados Unidos
Fontes e ligazóns Freebase /m/0364mz
Wikidata C:Commons

Paspán (Muttley segundo o seu nome orixinal en inglés) é un personaxe de debuxos animados, un simpático can riseiro e cun ton rouco, da casa Hanna-Barbera (actual Cartoon Network Studios) creado por Iwao Takamoto e coa voz orixinal en inglés de Don Messick (quen tamén fixo a voz de Scooby-Doo).

En Galiza apareceu por vez primeira nos debuxos animados da Televisión Española con dobraxe hispanoamericana, co nome de Pulgoso ou Patán. A Televisión de Galicia despois emitiu a popular serie de carreiras Os tolos do volante (serie de 1968 Wacky Races, en inglés), cando se lle deu o alcume galego de Paspán. Paspán na serie sempre acompaña ao vilán Dick Rañas (Dick Dastardly, na versión orixinal). Paspán e Dick foron creados inspirándose en personaxes do filme A carreira do século (The Great Race, en inglés) de Blake Edwards, de 1960 (os personaxes Professor Fate e Max Meen, en inglés).

Paspán é un can de palleiro cazador, non fala, e a súa característica principal é o seu riso asmático, un queixume rosmón en forma de murmurio contra as antipatías de Dick. A súa aparencia inicial n'Os tolos do volante era un colar vermello, que por veces era bufanda e nas aventuras na serie na que tamén é protagonista Dastardly and Muttley in Their Flying Machines, veste un chapeu e bufanda encarnados ao estilo dos aviadores que serviron na primeira Guerra Mundial.

Paspán ás veces é confundido con Mumbly (coñecido nas dobraxes hispanoamericanas coma Rabugento ou Risitas, un can que loita contra a delincuencia, que perseguía aos criminais utilizando os seus sentidos de can e que conduce un vello coche desaqueloutrado (posíbel referencia ao tenente Columbo). Mumbly tiña aparencia e riso idéntico a Paspán, mais a pelaxe era dunha cor cinsenta azulada que incluía ás orellas e levaba un chuvasqueiro de cor laranxa.

Paspán noutras linguas

• Dinamarqués: Møghund
• Francés: Diabolo (Francia)
• Alemán: Promenaden-Pluto; tamén Meutrich
• Húngaro: Mardel
• Italiano: Muttley ou Borbottone
• Xaponés: Kenken (ケンケン)
• Noruegués: Bumly (Noruega)
• Polonés: Balwan ou Muttley (Polonia)
• Portugués: Muttley ou Rabugento
• Galego: Paspán
• Serbio: Draguljce ou Dragoljupce (Serbia)
• Español: Patán/Pulgoso (España, México)
• Turco: Degerli (Turquía)
• Sueco: Gegga (Suecia)

Véxase tamén

Outros artigos

• Os tolos do volante (Wacky Races)