Palau de Gel

Na Galipedia, a Wikipedia en galego.
Palau de gel
Pista de xeo
Datos
LocalizaciónCataluña Barcelona, Cataluña
Construción
Inauguración23 de outubro de 1971
ArquitectoFrancesc Cavallé e Josep Soteras
Estadio
Dimensións61 x 25
Capacidade1.256 espectadores
PropietarioFutbol Club Barcelona
LocalíaFC Barcelona (hóquei sobre xeo e patinaxe artístico)
Eventos
  • Campionato do mundo de esgrima
  • Dous Mundiais C de hóquei patíns

O Palau de Gel (en galego: "Palacio de xeo") é unha instalación propiedade do FC Barcelona, inaugurada o 23 de outubro de 1971, adecuada á patinaxe sobre xeo.

Historia e características[editar | editar a fonte]

Foi construída polos arquitectos Francesc Caballé e Josep Soteras. O edificio ocupa 3650 m² e a pista ten 61 metros de longo por 26 de ancho. O aforamento é de 1256 espectadores. No Palau de Xel adestran e xogan os seus partidos os equipos da sección de hóquei sobre xeo do FC Barcelona, e adestran os membros do equipo de patinaxe artística.

A instalación forma parte do mesmo edificio que o Palau Blaugrana, o pavillón onde xogan os equipos de baloncesto, balonmán, hóquei sobre patíns e fútbol sala do FC Barcelona. Está situada nuns terreos situados no barrio de Les Corts de Barcelona, onde tamén se atopa o Camp Nou, o Museo do FC Barcelona, e as oficinas do club catalán.

O Palau de Gel foi escenario de diversos torneos internacionais de hóquei xeo, de patinaxe artística. Tamén, tras anular a pista de xeo, o Palau de Gel foi escenario dun campionato do mundo de esgrima e dous Mundiais C de hóquei patíns.

O Palau de Gel é, xunto ao Skating Club Pista de Gel, unha das dúas únicas instalacións permanentes onde se pode practicar patinaxe sobre xeo en Barcelona. Por iso, permanece aberta ao uso de todos os cidadáns fóra dos horarios de adestramentos e partidos dos equipos do FC Barcelona.

Véxase tamén[editar | editar a fonte]

Outros artigos[editar | editar a fonte]