Palacio das Cortes

Palacio das Cortes
Palacio das Cortes
Tipo	palacio e edificio parlamentario
Parte de	Paseo do Prado e o Bo Retiro, paisaxe das artes e as ciencias
Estilo	arquitectura neoclásica, neoclasicismo e arquitectura herreriana
Uso(s)	Congreso dos Deputados
Sede	Congreso dos Deputados de España
Localización
40°24′59″N 3°41′48″O
Estado	España
Comunidade autónoma	Comunidade de Madrid
Concello	Madrid
Distrito	Centro
Barrio administrativo	Cortes
Rúa	plaza de las Cortes, Calle de Fernanflor, Madrid (en) , Calle de Zorrilla (pt) e carrera de San Jerónimo
Datas
Fundación	1843
Persoas e organizacións
Propietario/a	España
Arquitecto/a	Narciso Pascual Colomer (pt)
Ocupante	Congreso dos Deputados de España
Contacto
Páxina WEB	congreso.es
Redes
[ Wikidata ]

O Palacio das Cortes (en castelán: Palacio de las Cortes) é o edificio que alberga o Congreso dos Deputados, unha das dúas Cámaras das Cortes Xerais, o Parlamento español. Está situado na Praza das Cortes de Madrid, entre a rúa Zorrilla e a Carrera de San Jerónimo, a escasa distancia do Paseo del Prado. É un dos edificios emblemáticos do Madrid do século XIX, de estilo neoclásico.

Historia

No espazo que ocupa o Palacio das Cortes situábase outrora o convento do Espírito Santo, da Orde de Clérigos Menores, o cal sufriu un grave incendio en 1823. Coa chegada en 1834 do réxime liberal, o goberno moderado de Francisco Martínez de la Rosa decidiu que as súas reunións celebrásense provisionalmente na igrexa do convento. Ao asumir o Partido Progresista o poder, tomouse a decisión de construír un novo edificio en substitución do edificio relixioso enfronte da Praza das Cortes.

O proxecto foi elaborado e executado polo arquitecto Narciso Pascual Colomer, iniciándose o 10 de outubro de 1843 e sendo inaugurado o 31 de outubro de 1850 pola raíña Isabel II. Durante os sete anos que duraron as obras os deputados víronse obrigados a reunirse no Salón de baile do Teatro Real de Madrid.

Nos anos 1980 sufriu a súa primeira ampliación das súas dependencias, construíndose no quinteiro adxacente, na que outrora se situou Hospital de Italianos entre 1598 e 1885, un edificio que comunica co orixinal mediante unha ponte sobre a rúa de Floridablanca. Dita ampliación foi inaugurada polos reis de España, Xoán Carlos I e Sofía o 28 de maio de 1980.

Máis tarde, en 1994, sufriu unha nova reforma e ampliación; así mesmo o 1 de xuño de 2006 concluíuse a última ampliación, sobre as antigas sedes de dúas entidades bancarias, as do Banco Exterior de España e o Banco de Crédito Industrial (Casa de Rivas).

En 2009, durante unhas obras de saneamento e rehabilitación do soto do Congreso dos Deputados, atopáronse restos humanos moi antigos. Unha das posibilidades sobre a súa orixe é que procedan dun antigo cemiterio do convento sobre o que está construído o edificio.

O Palacio foi escenario varios dos acontecementos políticos máis destacados de España durante os séculos XIX e XX, particularmente desde a instauración da democracia no ano 1978. Entre eles, as proclamacións dos reis Xoán Carlos I (1978) e Filipe VI (2014), a apertura solemne das lexislaturas, e os velorios dos expresidentes Leopoldo Calvo-Sotelo e Adolfo Suárez; así como o intento de golpe de estado do 23 de febreiro de 1981.

Véxase tamén

Ligazóns externas

• Web do Congreso dos Deputados
• Fotos do Palacio das Cortes