Ourente de Auch

Ourente de Auch
	; Santo Ourente na igrexa de Santo Ourente de Entíns
Biografía
Nacemento	século IV (<390) ; Osca
Morte	c. 444 ; Auch, Francia
Arcebispo
Datos persoais
Relixión	Igrexa católica
Actividade
Ocupación	poeta, sacerdote católico, escritor, bispo católico
Período	Baixo Imperio Romano
Período de actividade	século IV - século V
Enaltecemento
	santo ;
Día de festividade relixiosa	1 de maio
Familia
Pais	Orentius of Huesca e Patientia of Huesca
Irmáns	Lourenzo mártir
Descrito pola fonte	Dicionario Enciclopédico Brockhaus e Efron; Novo Dicionario Enciclopédico, 1911-1916

Ourente de Auch^[1], coas variantes Orente^[1] e Orencio^[2], (posiblemente do latín Orientius 'oriental'^[1]) foi, segundo a tradición, bispo de Auch, venerado como santo.

Biografía

A tradición aragonesa faino orixinario de Huesca e irmán de San Lourenzo, mais, debido ás cronoloxías, é improbable. Tamén se adoita sinalar que era fillo de Orencio e Paciencia. Existe bastante acordo nas fontes en advertir que foi elixido bispo de Auch (Francia), cargo que exerce con xustiza. Cando o sitio de Tolosa, logrou a paz entre visigodos e romanos. Este feito foi fundamental para que frutificase a posterior coalición contra Atila.

Consérvanse 24 salmos atribuídos ao santo nun códice de Tours.

Confluencia con Orientius, poeta

Nalgunhas fontes conflúe con outro Orientius, poeta cristián de lingua latina do que se conservou, principalmente, unha especie de longo sermón en dísticos elexíacos, Commonitorium fidelium, que alecciona o home para que se poña en garda contra os obstáculos (a envexa, a luxuria, a guerra, a ebriedade...).

Galicia

En Galicia, venérase na igrexa parroquial de Santo Ourente de Entíns, Outes.^[3] Por este motivo, existen algunhas cantigas e refráns que aluden a santo Ourente e mais a san Campio, que ten unha capela nesta mesma parroquia^[3]:

San Orente foi militar / que xa foi servir ó rei / i ahora está no altare.^[3]
San Orente foi obispo / San Campio foi militar / ahora que xa son vellos / están xuntos no altar.^[3]
San Campio e san Ourente / están os dous nun altar / Santo Ourente é pescador / e San Campio militar.^[3]
Vamos ó San Campio, nena / san Campio é mui valente / que ten a súa capela / na fonte de santo Ourente.^[3]

Notas

↑ ^1,0 ^1,1 ^1,2 "Guía de nomes galegos". Real Academia Galega. Consultado o 2023-09-16.
↑ "Guía de nomes galegos". Real Academia Galega. Consultado o 2023-09-16.
↑ ^3,0 ^3,1 ^3,2 ^3,3 ^3,4 ^3,5 Ferro Ruibal, Xesús; et alii (1992). Diccionario de nomes galegos. Ir Indo.

[:0-1] 1,0 ^1,1 ^1,2 "Guía de nomes galegos". Real Academia Galega. Consultado o 2023-09-16.

[2] "Guía de nomes galegos". Real Academia Galega. Consultado o 2023-09-16.

[:1-3] 3,0 ^3,1 ^3,2 ^3,3 ^3,4 ^3,5 Ferro Ruibal, Xesús; et alii (1992). Diccionario de nomes galegos. Ir Indo.

[1]

[2]

[3]