Os Mutantes é unha banda brasileira de rock psicodélico formada durante o Tropicalismo no ano 1966, en São Paulo, por Arnaldo Baptista (baixo, teclado, voces), Rita Lee (voces) e Sérgio Dias (guitarra, baixo, vocs). Tamén participaron do grupo Liminha (baixista) e Dinho Leme (batería).
A banda é considerada un dos principais grupos do rock brasileiro. Alén do innovador uso de feedback, distorsión e trucos de estudio de todos os tipos, Os Mutantes foron os pioneiros na mestura do rock and roll con elementos musicais e temáticos brasileiros. Outra característica do grupo era a irreverencia. Se antes dos Mutantes, o xénero no Brasil era basicamente imitativo, a partir do pioneirismo de Arnaldo, Sérgio e Rita, abriuse o camiño do hibridismo.
Os Mutantes iniciou as súas actividades en 1966 como un trío, cando se presentaron nun programa de TV Record, e separouse en 1978, quedando só Sérgio Dias como integrante orixinal. Ao longo destes doce anos, gravaron nove álbums (dous deles editados na décadas dos 90). Nesa década a banda foi recoñecida no escenario do rock nacional e internacional pola súa importancia como un dos grupos máis creativos, dinámicos, radicais e talentosos da era psicodélica e da historia da música brasileira e mundial.
A banda reuniuse no ano 2006 para a realización dunha xira, e no ano 2010 realizou un concerto en Vigo no festival Vigo Transforma.
