Organización territorial de Israel
A organización territorial de Israel baséase en tres niveis de goberno: o goberno central, os distritos e os municipios.
Distritos de Israel
[editar | editar a fonte]Israel está dividido administrativamente en seis distritos principais, coñecidos en lingua hebrea como mehozot (singular: mehoz) e 15 sub-distritos, coñecidos como nafot (singular: nafa) que se subdividen á súa vez en 50 rexións naturais. Os distritos están dirixidos por un funcionario designado polo Ministerio do Interior.
| Distrito | Capital | Área | Poboación |
|---|---|---|---|
| Distrito Central | Ramla | 1.293 km² | 1.976.300 (2013) |
| Distrito de Haifa | Haifa | 864 km² | 951.900 (2013) |
| Distrito de Xerusalén | Xerusalén | 652 km² | 1.008.400 (2013)[1] |
| Distrito Meridional | Bersebá | 14.231 km² | 1.168.600 (2013) |
| Distrito Norte | Nazaret | 4.478 km² | 1.341.500 (2013) |
| Distrito de Tel Aviv | Tel Aviv-Yafo | 176 km² | 1.331.300 (2013) |
| Xudea e Samaria(*) | Ariel | 5.878 km² | Xudeus: 376.500 Palestinos: aproximadamente 2.1 millóns |
(*)A área de Xudea e Samaria (Cisxordania) é considerada internacionalmente parte dos territorios palestinos.
Sub-distritos
[editar | editar a fonte]Norte: Safed, Kinneret, Yizre'o, Acre, Altos do Golán.
Haifa: Haifa (Mehoz Hefa) Hadera
Central: Sharon, Petah Tiqwa, Ramla, Rehovot,
Sur: Ascalón, Bersheva,
Rexións naturais
[editar | editar a fonte]As rexións naturais son unidades non administrativas que utiliza o Goberno para cuestións estatísticas e para o censo de poboación.
Territorios disputados
[editar | editar a fonte]En canto aos territorios en disputa, os Altos do Golán están integrados administrativamente no Distrito Norte, os asentamentos israelís en Cisxordania na área de Xudea e Samaria, e Xerusalén Leste no Distrito de Xerusalén.
Municipios
[editar | editar a fonte]O Ministerio de Interior israelí recoñece catro tipos de goberno local:
- As cidades, que adoitan ter máis de 20.000 habitantes. Actualmente hai 71.
- Os consellos locais, que administran poboacións entre 2000 e 20.000 habitantes. Actualmente hai 141.
- Os consellos rexionais, que administran grupos de pobos de menos de 2000 habitantes. Actualmente hai 54.
- Os consellos industriais, que administran grandes e complexas áreas industriais fose das cidades. Hai dous consellos industriais locais: Tefen na Alta Galilea (ao norte de Carmiel) e Ramat Hovav no Néguev (ao sur de Beerseba).
As eleccións municipais celébranse cada cinco anos, e calquera residente maior de 18 anos pode votar, sexa ou non israelí. Para ser elixido alcalde hai que ter máis de 21 anos.
Os municipios son os encargados da educación, a sanidade e a saúde públicas, a xestión da auga, o mantemento da rede viaria, os parques e as brigadas de bombeiros. Tamén se encargan de recadar os impostos locais.
Notas
[editar | editar a fonte]- ↑ "Copia arquivada" (PDF). Arquivado dende o orixinal (PDF) o 18 de maio de 2015. Consultado o 01 de marzo de 2016.