O soño do guieiro
| O soño do guieiro | |
|---|---|
| Título orixinal | O soño do guieiro |
| Autor/a | Florencio Delgado |
| Orixe | Galicia |
| Lingua | Galega |
| Colección | Opúsculos de poesía |
| Xénero(s) | Poesía |
| Editorial | Ediciós do Castro |
| Data de pub. | 1986 |
| Precedido por | Cantarenas. Poemas (1934-1980) |
| [ editar datos en Wikidata ] | |
O soño do guieiro, subtitulado Poemas, poemiñas e poemoides, é un libro de poemas de Florencio Delgado Gurriarán publicado na Colección Opúsculos de poesía de Ediciós do Castro en 1986.
Características
[editar | editar a fonte]Publicado na Colección Opúsculos de poesía de Ediciós do Castro en 1986, está dedicado a Castelao. Volve recoller poemas doutros momentos vitais, expresión xa da súa musa cívica, xa da elexíaca. O volume inclúe ademais algúns dos seus poemas sociolingüísticos, unha das facetas máis notables da súa poética. Recompilación da poesía de loita, de combate, desde a guerra civil, a posguerra e o exilio. Inclúe moitas composicións que xa apareceran no Cancioneiro da loita galega.[1]
Nos dous últimos libros hai mostras elocuentes do seu talento satírico, cando retrata o ditador Francisco Franco ou describe o desleixo lingüístico de certos falantes.[2]
É unha obra que se inspira nos valores da súa terra de Valdeorras, nas paisaxes, nos costumes, nos tipos humanos, mais que non renuncia a outros rexistros, en parte, froito das circunstancias vividas: poesía política, denuncia e crítica social…[3]
Para a Editorial Galaxia:
Florencio Delgado Gurrriaran recolle en O soño do guieiro, como homenaxe ao seu amigo e compañeiro político, Castelao, poemas de corte social e reivindicativo publicados durante a República, a guerra e o exilio, dos que indica que son “a miña resposta a certos aconteceres deste século noso que xa anda nas encollas; son a expresión do meu reaxir de home galeguista, demócrata e liberal, amigo da España e da Galiza renascentes —amizades perfectamente compatibeis— e adversario decidido das ditaduras dereitistas ou esquerdistas”..[4]
Edicións
[editar | editar a fonte]Foi reeditado en Xerais en 2022 da man de Xosé Ramón Pena[5] e en Galaxia no mesmo ano en edición de Dulce Fernández Graña.[6]
Poemas
[editar | editar a fonte]- O soño do guieiro
...
Emporiso, Daniel, Guieiro noso
a Galiza é máis forte que o malfado
e ha de ser, o teu soño, realidade.
Eis o Voto, que cómpre che fagamos
pra que, no Alén froreza
o teu sorrir de BON E XENEROSO[7]
Da fala e do castrapo
- Carta de Juan de la Era al doutor
- Cantarelas do castrapo (panxoliñas leigas)
...
O esquecernos o galego
para falar en castraño,
é coma o choio da toupa
que os ollos deu por un rabo
...[8]
Da guerra
- Fóra popes das sombras
- Guerrilleiro
- Alexandre Bóveda
...
Varudo paladín na noite urxente
-viñera o tempo da maturidade-,
man na fouce, segache a nosa herdade,
á chamada dos bardos, obedente.
...[9]
- Morte de Alexandre Bóveda
- Un guerrilleiro
- Segundo García Núñez
- A un vello falanxista
...
Falanxista, falanxista,
virado de aguia en cordeiro:
non leves feixe de frechas,
non leves xugo no peito.
...[10]
- Os lobos da xente
- Levan a Cristo por fóra...
- Ía á misa das doce...
- "Home pequeno - fol de veneno"
- As cabalgaduras do Farrucón Farruquiño. Muiñeira
Do exilio
- Galiza ergueita
- Inda non
- "Dou ao demo o millor" (dixo o que araba cos lobos)
- Ranae ad solem(*)
- "Per me regis regnam"
- Subdesenrolo
...
Velliños encrequenados
toman, quedos, a raxeira,
a profundar no baleiro,
no ren, na vida famenta.
...[12]
- A nova arte poética
- Nenia a "Tata Lázaro"
Pregos, poemiñas, descordos e poemoides
- De camiñas monocromas...
- Pregos a Santa Liliana
- Poemiñas da terra asolagada
...
Espellos de auga nos vales,
ondas de frouma nos tesos.
Na Galiza de arastora
xa non caben os galegos!
...[13]
- Poemiñas inxenuos
- Desacordo do sin e do Non
- Desacordo do gregario
- Coda
- Eu son insuficiente
- Para se levar ben todas as xentes do mundo
- Ditos do pobo galego
- Celso Emilio Ferreiro
Por ti chora a Galiza malfadada
e por ti chora o pobo laceirado...
Por ti, Poeta, "Bon e Xeneroso".[14]
- O galego...
- Eu!
- Non!
- Sin!
- Coda. Asasinos
Notas
[editar | editar a fonte]- ↑ Pena 2022, p. 43.
- ↑ "As Letras Galegas 2022 homenaxearán a Florencio Delgado Gurriarán". Real Academia Galega. 2/7/2021.
- ↑ Freixanes, Víctor. "Galicia infinda". Real Academia Galega. Consultado o 2022-02-26.
- ↑ "Galicia infinda". Editorial Galaxia. Consultado o 2022-02-22.
- ↑ Pena 2022.
- ↑ Fernández Graña 2022.
- ↑ Pena 2022, p. 301.
- ↑ Pena 2022, p. 309.
- ↑ Pena 2022, p. 320.
- ↑ Pena 2022, p. 328.
- ↑ Pena 2022, p. 336.
- ↑ Pena 2022, p. 359.
- ↑ Pena 2022, p. 371.
- ↑ Pena 2022, p. 390.
Véxase tamén
[editar | editar a fonte]Bibliografía
[editar | editar a fonte]- Fernández Graña, Dulce, ed. (2022). Florencio Delgado Gurriarán. O soño do guieiro. Vigo: Galaxia. ISBN 978-84-9151-786-3.
- Pena, Xosé Ramón, ed. (2022). Florencio Delgado Gurriarán. Obra poética. Vigo: Xerais. ISBN 978-84-1110-060-1.