O Salto, Rodeiro

O Salto
	Igrexa de Santo Estevo do Salto.
Concello	Rodeiro
Provincia	Pontevedra
Coordenadas	42°43′13″N 7°54′07″O / 42.72040635, -7.90204996Coordenadas: 42°43′13″N 7°54′07″O / 42.72040635, -7.90204996
Poboación	137 hab. (2012)
Entidades de poboación	10
	[ editar datos en Wikidata ]

Para outras páxinas con títulos homónimos véxase: O Salto.

Santo Estevo do Salto é unha parroquia que se localiza no concello de Rodeiro. Segundo o IGE en 2012 tiña 137 habitantes (70 mulleres e 67 homes), distribuídos en 10 entidades de poboación, o que supón unha diminución en relación ao ano 1999 cando tiña 267 habitantes.

Historia[editar | editar a fonte]

Xunto coa parroquia de Vilela forma o territorio dos antigos prioratos de Oseira. Aínda se poden ver dúas casas monacais no lugar da Granxa.

No lugar de Faílde está a casa familiar de Francisco Javier Vales Faílde.

Patrimonio[editar | editar a fonte]

En 1948 atopouse no lugar de Casardixo un machado de bronce datado de hai uns 3.200 anos. As medidas son 155 mm x 39 mm (fío) x 15 mm (grosor baixo a asa); o peso é de 300 gr. Ten tres estrías superficiais en cada folla, con tres estrías a cada lado menos profundas. A forma moi curva do fío e o acurtamento da folla abonan a función cortante. As súas proporción son harmónicas e a riqueza decorativa realza a elegancia deste machado. Sorprendeu pola pureza das súas liñas e factura perfecta do machado de dúas asas.

Consérvase unha mámoa megalítica, en Coto dos Mouros.

Da cultura castrexa consérvanse dúas localizacións de poboados castrexos: o de Castro Pequeno e o de Castro Grande.

Xa de época máis recente é a casa reitoral.