Nieves Delgado

Na Galipedia, a Wikipedia en galego.
Saltar ata a navegación Saltar á procura
Nieves Delgado
Nacemento5 de agosto de 1968
 Ferrol
NacionalidadeEspaña
Alma máterUniversidade de Santiago de Compostela
Ocupaciónescritora, mestra e escritora de ciencia ficción
editar datos en Wikidata ]

Nieves Delgado, nada en Ferrol o 5 de agosto de 1968, é unha escritora galega de ciencia ficción gañadora dun Premio Ignotus polo seu relato curto Casas Rojas. Escribiu dúas novelas curtas, multitude de relatos e varios artigos. É editora das Visións 2018 (AEFCFT, 2018). Ademais, compaxina a súa faceta de escritora coa de profesora de física en educación secundaria.

Traxectoria[editar | editar a fonte]

Estudou Física na Universidade de Santiago de Compostela para especializarse máis tarde en Astrofísica na Universidade de La Laguna, Tenerife.[1]

Os seus coñecementos de ciencia unidos á súa paixón polos xéneros de ciencia ficción e terror fixeron que a súa obra vire cara á tecnoloxía e a intelixencia artificial[2], case sempre cun claro compoñente de reflexión filosófica. Empezou a publicar no ano 2012 (La condena) e en breve recibiu o seu primeiro nomeamento ós Premios Ignotus polo seu relato Dariya (2014).[1][3] O ano seguinte, volveu estar nomeada polo seu relato Casas Rojas e esta vez si que obtivo a vitoria na categoría de mellor conto.

En 2016, presenta a súa colección de relatos Dieciocho engranajes. Relatos de futuro (Adaliz Edicións, 2016) e en 2017 a súa primeira novela curta 36 (Editorial Cerbero, marzo de 2017).[4][5][6]

En 2018 recibiu dous nomeamentos ós Premios Ignotus: Premio Ignotus á Mellor novela curta por 36 (Editorial Cérbero, 2017) e Premio Ignotus ó mellor artigo pola segunda división da literatura, en Editorial Cerbero (xullo de 2017).[7] A súa última novela até o momento é UNO (Editorial Cerbero, xaneiro 2018).[8]

Notas[editar | editar a fonte]

  1. 1,0 1,1 "Ficha de Nieves Delgado". La Tercera Fundación. 
  2. "Entrevista a Nieves Delgado". Entretanto Magzine. 
  3. "2014 Ignotus Awards Winners". Locus Magazine. 
  4. NACHO PÉREZ DE LOS HEROS. "Nieves Delgado, ciencia ficción especulativa y social". LaDuda.net. 
  5. "Nieves Delgado presenta su nueva novela". Diarío La Opinión (A Coruña). 
  6. Lola Robles. "Reseña: “36” de Nieves Delgado. Por Lola Robles.". Revista Mamut. 
  7. "Finalista de los Ignotus 2018" (PDF). AEFCFT. 
  8. Javier Miró. "UNO y menos UNO 2015". Libros-Prohibidos.