Nicanor Alvarado Casanova

Na Galipedia, a Wikipedia en galego.
Saltar ata a navegación Saltar á procura
Nicanor Alvarado Casanova
Nacemento12 de xaneiro de 1830
 A Pobra de Trives
Falecemento16 de xullo de 1896
NacionalidadeEspaña
Educado enUniversidade de Salamanca
Ocupaciónpolítico
editar datos en Wikidata ]

Nicanor Alvarado Casanova de Sotomayor, marqués de Trives, nado na Pobra de Trives (A Pobra de Trives) o 12 de xaneiro de 1830 e finado en Madrid o 16 de xullo de 1896, foi un político galego.

Traxectoria[editar | editar a fonte]

Pazo do Marqués na Pobra de Trives.

Fillo de Buenaventura Alvarado Núñez e Jacinta Casanova Domínguez de Losada. Estudou dereito na Universidade de Salamanca e inglés e francés en ámbolos dous países. Dedicouse dende moi novo á política, militando no Partido Moderado. Foi elixido deputado a Cortes polo distrito da Pobra de Trives nas eleccións de 1858, 1863 e 1871. Na Restauración volveu ser elixido deputado polo distrito da Pobra de Trives nas eleccións de 1876, 1879, 1884 e 1891. En 1887 foi elixido senador pola provincia de Ourense e en 1891 foi nomeado senador vitalicio.

O 17 de maio de 1875 Afonso XII concedeulle o título de Marqués de Trives.

Vida persoal[editar | editar a fonte]

Casou con Carlota Barroeta-Aldamar, coa que tivo unha única filla, Jacinta Alvarado Barroeta-Aldamar que foi a segunda Marquesa de Trives.

Véxase tamén[editar | editar a fonte]

Ligazóns externas[editar | editar a fonte]