Nervio mediano
| Nervio mediano | |
|---|---|
n. medianus  | |
 | |
| Instancia de | clase de entidade anatómica |
| Subclase de | nervio, nervio periférico e entidade anatómica particular |
| Rama anatómica de | lateral root of median nerve (en)  e Medial root of median nerve (en) |
| Innerva | músculo pronador redondo, músculo flexor radial do carpo, músculo palmar longo, músculo flexor común superficial dos dedos da man, músculos lumbricais da man, músculo flexor longo do polgar da man, músculo abdutor curto do polgar e músculo opoñente do polgar |
| Parte de | plexo braquial |
| Descrito pola fonte | |
Descrito pola fonte
| |
| Identificadores | |
| MeSH | D008475 |
| [ Wikidata ] | |
O nervio mediano é unha rama terminal do plexo braquial. Está formado por dous feixes, un externo que procede do tronco secundario superior, e un interno que procede do tronco secundario inferior. O nervio fórmase na axila, vai pola parte interna do brazo e chega ata o cóbado pola corredoira bicipital. Despois diríxese á rexión anterior do antebrazo e ocupa o espazo entre o flexor común superficial e o flexor común fondo dos dedos. Chega á man entre ambos flexores e pasa a través da corredoira flexora interna. Xa na man dá lugar a seis ramas terminais.
Ramas colaterais
[editar | editar a fonte]Saen do nervio dende axila ata a man.
- Rama sensitiva anastomótica co nervio musculocutáneo.
- Rama sensitiva articular para o cóbado.
- Rama sensitiva cutánea para a parede externa da man.
- Rama motoras: o nervio mediano innerva mediante ramas colaterais motoras aos seguintes músculos:
- Pronador redondo.
- Palmar maior.
- Palmar menor.
- Flexor común superficial dos dedos da man.
- Fascículo externo do flexor común dos dedos.
- Flexor longo do I dedo.
- Pronador cadrado.
Estas ramas constitúen o eixo neuromuscular do nervio mediano no antebrazo.
Ramas terminais
[editar | editar a fonte]As seis Ramas distribúense pola man:
- Primeira rama: motora pura, innerva aos músculos da eminencia tenar (abdutor curto do I dedo, flexor curto do I dedo, opoñente do I dedo).
- Segunda rama: sensitiva, dá a primeira colateral palmar.
- Terceira rama: dá a segunda colateral palmar.
- Cuarta rama: é mixta, cun compoñente motor para o primeiro músculo lumbrical e cun compoñente sensitivo que son a terceira colateral palmar e dorsal.
- Quinta rama: é mixa, cun compoñente motor para o segundo músculo lumbrical e cun compoñente sensitivo que son a cuarta e quinta colaterais palmares e dorsais.
