Museo Nacional Romano

Na Galipedia, a Wikipedia en galego.
Saltar ata a navegación Saltar á procura

Coordenadas: 41°54′5″N 12°29′54″L / 41.90139, -12.49833

Museo Nacional Romano.

O Museo Nacional Romano (en italiano: Museo Nazionale Romano) é un conxunto de museos en Roma (Italia), dividido en varios lugares da cidade. Foi fundado en 1889 e inaugurado en 1890, durante o Risorgimento, co propósito de coleccionar antigüidades que van dende o século -V ao século III.

A primeira colección formouse coas coleccións arqueolóxicas do Museo Kircheriano e os numerosos novos descubrimentos en Roma durante o plan da cidade despois de que se convertese na nova capital do novo Reino de Italia. Inicialmente pretendíase que se mostrase nun «Museo Tiberino» (que nunca se levou a cabo), mais en 1901 o Estado outorgou o beneficio á institución da Vila Ludovisi e a importante colección nacional de esculturas antigas.

A súa base estabeleceuse no claustro do século XVI construído por Miguel Anxo en parte das termas de Diocleciano, que aínda son a súa base principal. Esta adaptación dos edificios a un novo propósito comezou para a Exposición de 1911 e acabou na década de 1930. Nos anos 1990, nunha transformación radical, as coleccións do museo dividíronse en catro lugares diferentes.

Véxase tamén[editar | editar a fonte]

Ligazóns externas[editar | editar a fonte]