Muralla de Tarragona

Conxunto arqueolóxico de Tarraco
Murallas romanas - Portal de San Antonio
Patrimonio da Humanidade - UNESCO
País	España
Localización	41°07′12.4″N 1°15′32.6″L
Tipo	Cultural
Criterios	II, III
Inscrición	2000
Rexión da UNESCO	Europa e América do Norte
Identificador	875rev

Vista de Tarragona coa muralla á esquerda.

A muralla de Tarragona é unha estrutura militar de orixe romano que arrodea o casco antigo da cidade de Tarragona. Constitúe, xunto con outras localizacións, o conxunto arqueolóxico de Tarraco, que forma parte do Patrimonio da Humanidade dende o ano 2000, sendo o seu código de inscrición 875-001.

Historia e características

Paseo na parte superior das murallas

A muralla é a construción máis antiga da Tarraco romana. Nun primeiro momento tratábase dunha simple cerca de madeira que tiña coma misión protexer a gornición militar. Comezou a construírse no século III a.C., aínda que non existe consenso sobre se foi durante a segunda guerra púnica ou con posterioridade. Sufriu unha ampliación ao longo do século II a.C., posiblemente durante a formación da cidade romana de Tarraco. Desta época consérvanse tres torres orixinais:

• A Torre do Arquebisbe
• A Torre do Cabiscol
• A Torre de Minerva

Entre os anos 217 e 197 a.C. foi ampliada e fortalecida cun frontal de pedra de 6 metros de altura e 4,5 metros de grosor, reforzando con torres os puntos máis febles. Na segunda metade do século II a.C. a muralla medrou en altura e grosor e estendeuse ata abranguer toda a cidade. Na actualidade consérvanse 1300 metros da edificación orixinal en boas condicións.

Sufriu numerosas modificacións ao longo da historia, coma por exemplo a apertura do Portal del Roser na época medieval para proporcionar un novo aceso á cidade ou a súa rehabilitación como paseo arqueolóxico nos anos 30 do século XX. Dende finais do século XIX é de propiedade pública e no ano 2000 foi catalogada coma Patrimonio da Humanidade, sendo un dos símbolos máis característicos da cidade de Tarragona.

Véxase tamén

Outros artigos

• Conxunto arqueolóxico de Tarraco
• Circo romano de Tarraco
• Anfiteatro de Tarraco
• Acueduto de les Ferreres
• Arco de Berà
• Torre dos Escipións
• Teatro romano de Tarraco
• Foro romano de Tarraco
• Cemiterio paleocristián de Tarragona
• Canteira romana de El Médol

Ligazóns externas

• Páxina web do Concello de Tarragona
• Páxina do Museo de Historia de Tarragona Arquivado 08 de abril de 2018 en Wayback Machine.
• Ficha da muralla de Tarraco en spanisharts (en castelán) Arquivado 25 de setembro de 2009 en Wayback Machine.
• Tarragona - Información histórica e cultural de Tarraco, capital da Hispania Citerior na época de dominación romana
• Información Foro Romano de Tarragona en España é cultura, Ministerio de Cultura Arquivado 28 de decembro de 2016 en Wayback Machine.