Arco de Berà

Arco de Berà
Patrimonio da Humanidade - UNESCO
País	Cataluña
Localización	41°10′22.9″N 1°28′07.3″L / 41.173028, -1.468694Coordenadas: 41°10′22.9″N 1°28′07.3″L / 41.173028, -1.468694
Tipo	Mixto
Criterios	ii, iii
Inscrición	2000
Rexión da UNESCO	Europa
Identificador	875
	v; c; e;

O Arco de Berà (a miúdo escrito como Arco de Bará) é un arco de triunfo situado a uns 20 km ao norte da cidade de Tarragona, en Cataluña, preto de Roda de Berà. O arco atópase sobre o trazado do que foi a vía Augusta, actualmente sobre a estrada nacional 340. O arco de Berà é un dos elementos do Conxunto arqueolóxico de Tarraco, declarado Patrimonio da Humanidade pola Unesco.

O seu nome derivaría do conde Berà. Trátase dun arco honorífico constituído por un corpo central sobre un podio decorado con falsas pilastras acanaladas que culminan en capiteis corintios. Ten unha única apertura en arco de medio punto e a parte superior da construción culmina cun entaboamento formado por arquitrabe, friso e cornixa. O monumento está feito de pedra calcaria, seguramente proveniente da rexión.

A construción data da época do emperador Augusto, cara ao 13 a.C. Suponse que foi dedicado a Augusto ou ao seu xenio e que serviu para marcar os límites territoriais que dependían de Tarraco.