Moustafa Madbouly

Na Galipedia, a Wikipedia en galego.
Saltar ata a navegación Saltar á procura
Moustafa Madbouly
Cairo EuroAfrica Signing (cropped).jpg
Nacemento28 de abril de 1966
 O Cairo
NacionalidadeExipto
RelixiónIslam
Alma máterUniversidade do Cairo
Ocupaciónpolítico
editar datos en Wikidata ]

Moustafa Kemal Madbouly (en árabe: مصطفى كمال مدبولي), nado no Cairo o 28 de abril de 1966, é o actual primeiro ministro de Exipto. Foi nomeado polo presidente Abdul Fatah al-Sisi para suceder a Sherif Ismail trala súa renuncia.[1] Madbouly tamén serviu no goberno como Ministro de Vivenda e Servizos Públicos Urbanos e tamén brevemente como Primeiro Ministro Interino.

Traxectoria[editar | editar a fonte]

Madbouly graduouse na Universidade do Cairo, recibindo un mestrado e un PhD da facultade de enxeñaría en 1988 e 1997 respectivamente. Dende setembro de 2009 até novembro de 2011 foi o Presidente da Autoridade Xeral de Planificación Urbana do Ministerio de Vivenda, Servizos Públicos e Desenvolvemento Urbano; tamén foi director executivo do Instituto de Capacitación e Estudos Urbanos no Centro de Investigación de Vivenda e Construción do Ministerio de Vivenda. Dende novembro de 2012 até febreiro de 2014, foi o director rexional para os países árabes no Programa de Asentamentos Humanos das Nacións Unidas. En marzo de 2014 foi nomeado Ministro de Vivenda polo primeiro ministro Ibrahim Mahlab, posto que seguiu ocupando despois do nomeamento de Sherif Ismail como primeiro ministro en setembro de 2015. Durante o seu mandato como ministro de vivenda, o proxecto de "millóns de Casas" iniciado polo anterior Ministro de Vivenda Mohamed Fathy al-Barade concretouse, sendo un dos principais proxectos nacionais que entrou en vigor no goberno do presidente Abdul Fatah al-Sisi. Por razóns políticas e sociais, o proxecto, que foi suxerido por Baradie en 2011, detívose durante a era da irmandade musulmá, e entrou en vigor novamente cando Madbouly volveu ó cargo. En novembro de 2017, Madbouly foi nomeado primeiro ministro interino despois da partida do presidente Sherif Ismail a Alemaña para recibir tratamento médico.[2]

Primeiro ministro de Exipto[editar | editar a fonte]

O 7 de xuño de 2018, o presidente al-Sisi nomea a Madbouly como Primeiro Ministro, sucedendo a Sherif Ismail. O 9 de xuño, o primeiro ministro Madbouly reorganizou o gabinete exipcio e substituíu a oito ministros, entre eles o Ministro de Antigüidades Khaled Al-Anany, o Ministro de Recursos Humanos Mohamed Saafan, o Ministro de Rego Mohamed Abdel Aty, o Ministro de Saúde Ahmed Emaddin e o Ministro de Agricultura Abdel Moniem al-Banna e o Ministro de Educación Superior, Khaled Abdel Ghaffar. O 10 de xuño, revelouse que oito mulleres servirían no seu gabinete, rompendo o número marca da administración anterior de seis.[3] A lista final de candidatos para postos ministeriais inclúe a Assem El-Gazar como ministra de vivenda; Ala Zayed como ministra de saúde; Yasmeen Fouad como ministro de medio ambiente; Mohamed Eissa como ministro da man de obra; Amr Nassar como ministro de comercio e industria; Magdy Abo El-Ela como ministra de xustiza, Ala El-Khatib ou Ashraf Sobhy como ministra de Mocidade e deportes; Mahmoud Shaarawy como ministro de estado para o desenvolvemento local; e Mohamed Moiet como novo ministro de finanzas.[4]

Notas[editar | editar a fonte]