Mosteiro de San Vicenzo de Pombeiro

Localización
	Situado en Pombeiro, Pantón, provincia de Lugo, Galicia, España
	42°27′N 7°42′O / 42.45, -7.7

Mosteiro de San Vicenzo de Pombeiro
	Pombeiro
	Instancia de mosteiro
Persoas e organizacións
	Diocese diocese de Lugo
Localización
	Situado en Pombeiro, Pantón, provincia de Lugo, Galicia, España
	42°27′N 7°42′O / 42.45, -7.7
Fontes e ligazóns
	Wikidata C:Commons

O mosteiro de San Vicenzo de Pombeiro ou San Vicente Polumbario é unha edificación relixiosa da que queda a igrexa de estilo románico situada na parroquia de Pombeiro do concello de Pantón na Ribeira Sacra.

Historia

De orixes eremíticas, remontables ao Reino Suevo, semella ter sido fundada pola raíña de Galicia Goto Muñiz, dona de Sancho Ordóñez no século X. En 1109, a raíña Orraca doouna á Orde de Cluny. Coincidindo co esplendor do monacato medieval, foi reedificada no século XII e XIII. Foi priorado ata o 1526 en que foi asumido polo mosteiro de Santo Estevo de Ribas de Sil. Igual que outros mosteiros bieitos, as reformas dos Reis Católicos, sometérono á Congregación de Valladolid.

Arquitectura

Contén tres naves e os correspondentes tras ábsidas. A portada principal, enmarcada entre contrafortes e baixo un decorado gardachoivas é de estilo protogótico. As outras portadas, de época similar, son tamén de notable interese arquitectónico medieval, a do norte, tamén enmarcada en contrafortes, sitúase baixo un apreciable rosetón.

Existen pinturas interiores do século XV, e retablos renacentista e barroco.